འབྲི་སྟོད་རྫོང་དམངས་སྲིད་ཅུས་ཀྱི་ཅུས་ཀྲང་ཕུར་བུ་ཚེ་རིང་གིས་ངོ་སྤྲོད་བྱས་དོན། ཡུལ་ཤུལ་དུ་ས་ཡོམ་བྱུང་རྗེས་བསྐྱར་སྐྲུན་བྱེད་རིང་རྒྱལ་ཁབ་ཀྱིས་སྔ་རྗེས་སུ་མ་དངུལ་བཏང་སྟེ་འབྲི་སྟོད་རྫོང་དུ་རྒན་གསོ་ཁང་4དང་ཕྱོགས་བསྡུས་ཕན་བདེ་ཁང་1བསྐྲུན་པ་དང་། ཉལ་ཁྲི་530ལྷག་ཁ་སྣོན་གྱིས་བཟོས་ཡོད། ཉེ་བའི་ལོ་འགའི་ནང་། འབྲི་སྟོད་རྫོང་གིས་“ནོར་སྲིད་ཆུང་ཆུང་”གིས་“དམངས་འཚོ་ཆེན་པོ”སྒྲུབ་རྒྱུ་རྒྱུན་འཁྱོངས་བྱས་ནས། རྫོང་མཁར་སྒྲིག་གཞིས་རྒན་གསོའི་ཞབས་ཞུའི་རྨང་གཞི་བྱེད་པ་དང་། ཞབས་ཞུ་རྣམ་པ་གཞན་དག་ཁ་གསབ་བྱེད་པའི་རྒན་གསོའི་ཞབས་ཞུའི་རྣམ་པ་འཚོལ་ཞིབ་བྱས་ཐོག་ནོར་སྲིད་ཀྱི་གཏོང་གྲངས་ཇེ་མང་དུ་བཏང་ཡོད། མིག་སྔར་འབྲི་སྟོད་རྫོང་གི་དཀའ་ངལ་ཆེ་བའི་རྒན་རྒོན་གཅིག་སྡུད་ཐོག་འཚོ་སྐྱོང་བྱེད་ཐབས་གཞི་རྩའི་ཆ་ནས་ཡོངས་སུ་ཁྱབ་ཡོད།
