གཙོ་ངོས།>> གནས་མཇལ།>>དགོན་སྡེ།

རྩོམ་པ་པོ། མི་གསལ། རྩོམ་སྒྲིག་པ།དབང་ཆེན།ཡོང་ཁུངས།ཁམས་པའི་རིག་གནས་དྲ་བ། སྤེལ་དུས། ༢༠༢༡ལོའི་ཟླ་བ་༠༣ཚེས་༡༩ཉིན།

༄༅།།དགའ་ལྡན་སུམ་རྩེན་གླིང་།


དགའ་ལྡན་སུམ་རྩེན་གླིང་།

     དགའ་ལྡན་སུམ་རྩེན་གླིང་ནི་ད་ལྟའི་ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་རྒྱལ་ཐང་གྲོང་གི་བྱང་དུ་ཆགས། རབ་བྱུང་བཅུ་གཅིག་པའི་ས་ལུག༼སྤྱི་ལོ༡༦༧༩༽ལོར་རྒྱལ་དབང་ལྔ་པ་བློ་བཟང་རྒྱ་མཚོ་མཆོག་གནས་འདིར་ཞབས་ཀྱིས་བཅགས་ཤིང་རྙིང་དགོན་ཆེ་བ་གསུམ་དང་ཆུང་བ་དུ་མ་ལྷན་བསྡུས་ཀྱིས་ལྕགས་སྤྲེལ༼སྤྱི་ལོ༡༦༨༠༽ལོར་དགོན་འདི་བཏབ་ཅིང་མཚན་འདི་གསོལ་བར་མཛད། ད་བར་ལོ་གསུམ་བརྒྱ་དང་བཞི་བཅུར་ཉེ་བའི་ལོ་རྒྱུས་ཡོད།

དགའ་ལྡན་སུམ་རྩེན་གླིང་།

དགའ་ལྡན་སུམ་རྩེན་གླིང་།

     དགོན་པ་དེ་བཅིངས་འགྲོལ་ཡར་སྔོན་དུ་བདེ་ཆེན་ཡུལ་གྲུའི་བོད་ཀྱི་ཆབ་སྲིད་དང་རིག་གནས་ཀྱི་ལྟེ་བ་ཡིན། ཁྲི་རབས་དང་པོ་ངག་དབང་རྣམ་རྒྱལ་ནས་དེ་སྔའི་ངག་དབང་བློ་བཟང་བསྟན་འཛིན་རྒྱ་མཚོའི་བར་སྐུ་རབས་བཅོ་བརྒྱད་བརྒྱུད། དགོན་དུ་ཁམས་ཚན་བརྒྱད་ཡོད་དེ། བཙན་བཟང་ཁང་། བྲག་གཡབ་ཁང་། འཇང་ཁང་། རྡོ་མཁར་ཁང་། ཆབ་མདོ་ཁང་།ཕྱག་ཕྲེང་ཁང་། ཡངས་ཐང་ཁང་། རོང་པ་ཁང་བཅས་སོ། །

དགའ་ལྡན་སུམ་རྩེན་གླིང་།
དགའ་ལྡན་སུམ་རྩེན་གླིང་།
དགའ་ལྡན་སུམ་རྩེན་གླིང་།

     རྟེན་གྲགས་ཆེ་བ་ལ། འདུ་ཁང་དང་། བྱམས་ཁང་དང་། ཇོ་ཁང་བཅས་སུམ་ཐོག་ཅན་དང་། རྗེ་ལྷ་ཁང་གསེར་གྱི་རྒྱ་ཕིབས་ཅན། ཁམས་ཚན་ལྷ་ཁང་། མཆོད་རྟེན་སོགས་མང་། དགའ་ལྡན་ཁྲི་རབས་སོ་གཅིག་པ། སོ་བདུན་པ། རེ་བཞི་བ། རྒྱལ་དབང་གི་ཡོངས་འཛིན་སོགས་སྐྱེས་ཆེན་དམ་པ་གང་མང་འབྱུང་ཡུལ་དུ་གྱུར། །

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1