གཙོ་ངོས།>> གླིང་སྒྲུང་།>>དཔྱད་རྩོམ།

རྩོམ་པ་པོ། མི་གསལ། རྩོམ་སྒྲིག་པ།དབང་ཆེན།ཡོང་ཁུངས།ཀྲུང་གོའི་བོད་ལྗོངས་དྲ་བ། སྤེལ་དུས། ༢༠༢༡ལོའི་ཟླ་བ་༠༥ཚེས་༠༦ཉིན།

༄༅།།ཏའི་སི་ཏུ་བྱང་ཆུབ་རྒྱལ་མཚན།

   ཏའི་སི་ཏུ་བྱང་ཆུབ་རྒྱལ་མཚན་ནི་ཕག་གྲུ་སྡེ་སྲིད་ཀྱི་སྲིད་རབས་ཐོག་མ་ཡིན་ལ། ཡོན་གོང་མ་ཐོ་གན་ཐེ་མུར་གྱིས་གསེར་ཡིག་པ་མངགས་ནས་ཏའི་སི་ཏུའི་མཚན་དང་། དམ་ཁས་གཟེངས་བསྟོད་གནང་། བོད་ཡོངས་ལ་དབང་བསྒྱུར་ནས། ཆོས་ཕྱོགས་ལ་བྱ་བ་རྒྱ་ཆེན་པོ་བསྒྲུབས། སྲིད་ཕྱོགས་ནས། རི་རྒྱ་ཀླུང་རྒྱ་བསྡམས་པ། ཆུ་ཆེན་ལ་ཟམ་དང་། ཀོ་གྲུ་གསར་འཛུགས། འབྲོག་པ་རྣམས་པ་ཁྲལ་འོས་འབབ་ཅིག་ལས། ཧོར་ལྟར་ཁྲལ་ཆེན་བསྡུ་མི་ཆོག་པར་མཛད། རྫོང་ཆེན་གསར་བརྩིགས་དང་ཁྲིམས་ཀྱི་ལུགས་སྲོལ་བཅོས་བསྒྱུར་དང་སླར་གསོ་མཛད་པ་སོགས་ཕྱག་རྗེས་ཧ་ཅང་ཆེའོ། ། བྱང་ཆུབ་རྒྱལ་མཚན་ནི་ཕག་གྲུའི་དཔོན་རིགས་ཁྲོད་དུ་མཁས་གྲགས་གཉིས་ལྡན་གྱི་སྐྱེས་ཆེན་ཞིག་ཡིན།  སྤྱི་ལོ1302རབ་བྱུང་ལྔ་བའི་ཆུ་སྟག་ལོར་འཁྲུངས་ཤིང་། དགུང་ལོ་གསུམ་པ་ནས་ཡི་གེ་འབྲི་ཀློག་སློབ་འགོ་ཚུགས།  མཚན་བྱང་ཆུབ་རྒྱལ་མཚན་ཞེས་གསོལ།  རིམ་གྱིས་ས་སྐྱར་ཕེབས་ནས་སློབ་གཉེར་གནང་།  ས་སྐྱའི་དགེ་བཤེས་ཀྱི་མཚན་ཐོབ་ཀྱང་གནང་།  སྐབས་དེར་བོད་ཀྱི་ཁྲི་དཔོན་ཁག་དང་།  མི་དཔོན་སོགས་ཀྱི་བུ་ཕྲུག་མང་པོ་ས་སྐྱར་སློབ་གཉེར་ལ་འགྲོ་ལམ་ཡོད་པ་རྣམས་ཀྱི་ནང་ནས་བྱང་ཆུབ་རྒྱལ་མཚན་ནི་བདག་ཉིད་ཆེན་པོ་བཟང་བོ་དཔལ་བ་སོགས་བླ་མ་རྣམས་ཀྱིས་མཐོང་གཟོས་ཆེན་པོ་གནང་ཡུལ་ཞིག་ཡིན་ལ།  ས་སྐྱར་བཞུགས་རུང་།  རྟ་བཞོན་སྟངས།  མདའ་རྡོ་མཆོང་གསུམ་ཚོགས་པའི་དབུས་སུ་གཏམ་ཤོད་སྟངས།  ཚོགས་པ་དང་མང་པོའི་འགོ་ཁྲིད་བྱེད་སྟངས་སོགས་སྲིད་དོན་སྐྱོང་བར་མཁོ་བའི་ཡོན་ཏན་མང་པོ་ཁོང་དུ་ཆུད་པར་སློབ་གཉེར་མཛད་དོ། །

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1