གཙོ་ངོས།>> གསར་འགྱུར།>>བོད་འབྲེལ་ས་ཁུལ།

རྩོམ་སྒྲིག་པ།ཚེ་དཔལ། ཡོང་ཁུངས།ཀྲུང་གོའི་བོད་ལྗོངས་དྲ་བ། སྤེལ་དུས། ༢༠༢༡ལོའི་ཟླ་བ་༠༦ཚེས་༡༡ཉིན།

ཀྲུང་གོའི་བོད་རིག་པ་ཞིབ་འཇུག་ལྟེ་གནས་དང་ཡུན་ནན་ཞིང་ཆེན་བདེ་ཆེན་ཁུལ་བོད་རིག་པ་ཞིབ་འཇུག་གླིང་དབར་མཉམ་ལས་གན་རྒྱ་བཞག་པ།


            ཟླ6པའི་ཚེས7ཉིན་ཀྲུང་གོའི་བོད་རིག་པ་ཞིབ་འཇུག་ལྟེ་གནས་དང་ཡུན་ནན་ཞིང་ཆེན་བདེ་ཆེན་ཁུལ་བོད་རིག་པ་ཞིབ་འཇུག་གླིང་གིས(བདེ་ཆེན་ཁུལ་གྱི་ཀྲུང་ཧྭ་མི་རིགས་ཀྱི་གཅིག་མཐུན་ཚོགས་པའི་འདུ་ཤེས་བརྟན་འཛུགས་ཞིབ་འཇུག་སློབ་གསོ་ལག་ལེན་ལྟེ་གནས)མཉམ་ལས་བྱས་ནས“ཀྲུང་ཧྭ་མི་རིགས་ཀྱི་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པའི”ཞིབ་འཇུག་གན་རྒྱར་མིང་རྟགས་འགོད་པའི་མཛད་སྒོ་པེ་ཅིང་དུ་འཚོགས་པ་དང་།  ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཏང་ཙུའུ་ཡི་ཧྲུའུ་ཅི་ཁྲེན་ཙུང་རུང་དང་བདེ་ཆེན་ཁུལ་བོད་རིག་པ་ཞིབ་འཇུག་གླིང་གི་ཏང་ཙུའུ་ཡི་ཧྲུའུ་ཅི་ཧུ་ཧྲུའུ་ཅུན་རྣམ་གཉིས་ཀྱིས་ཤིས་ཚིག་ཕུལ་ཞིང་།  ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི་སྤྱི་ཁྱབ་ལས་འཛིན་དགྲ་འདུལ་གྱིས་མཛད་སྒོར་གཙོ་སྐྱོང་གནང་བ་དང་གན་རྒྱའི་ཕྱོགས་གཉིས་ཀའི་འབྲེལ་ཡོད་སྡེ་ཚན་གྱི་འགན་འཁུར་བ་དང་དེ་བཞིན་ཆེད་མཁས་པ་ཁག་ཅིག་མཛད་སྒོར་ཞུགས་ཡོད་པ་རེད། 
གན་རྒྱ་འཇོག་པའི་མཛད་སྒོའི་ཡུལ་དངོས།  
            ཁྲེན་ཙུང་རུང་གིས་ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་དུ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་དུས་རབས་གསར་པའི་མི་རིགས་མཐུན་སྒྲིལ་ཡར་ཐོན་བྱ་གཞག་གི་འཕེལ་རྒྱས་གསར་པར་དམིགས་ཏེ།  གསར་གཏོད་རང་བཞིན་ངང“ཀྲུང་ཧྭ་མི་རིགས་ཀྱི་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་དགོས”ཞེས་པའི་མི་རིགས་ལས་དོན་གྱི་བརྗོད་གཞི་གལ་ཆེན་བཏོན་པ་བརྒྱུད།  དུས་རབས་གསར་པའི་མི་རིགས་ལས་དོན་ལ་མདུན་སྐྱོད་ཀྱི་ཁ་ཕྱོགས་གསལ་སྟོན་དང་རྩ་བའི་གཞི་འཛིན་ས་མཁོ་འདོན་གནང་ཡོད་ཅིང་།  བྱ་གཞི་དེར་མཉམ་ལས་ཞིབ་འཇུག་གནང་པ་དེས་ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི་ནུས་པ་འདོན་རྒྱུར་ལམ་ཁ་དངོས་ཤིག་བཙལ་ནས་ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱིས་དངོས་ཡོད་ལ་ཉེ་བར་བཅར་ཞིང་། དངོས་ཡོད་ལ་ཤེས་ཚོར་ཡོད་པ། དངོས་ཡོད་ལ་ལྟ་ཞིབ། དོན་དངོས་ལ་ཞབས་འདེགས་ཞུ་བ་བཅས་བྱེད་ཐུབ་པ་བྱུང་ཡོད་ལ།  བོད་འབྲེལ་ཇུས་འདོན་ཚོགས་པའི་ནུས་པ་འདོན་སྤེལ་དང་བོད་འབྲེལ་ཁུལ་དང་རྫོང་གི་ལས་དོན་ལ་ཞབས་འདེགས་ཞུ་རྒྱུར་དངོས་ཡོད་ཀྱི་དོན་སྙིང་གལ་ཆེན་ལྡན་ཡོད་ཅེས་གསུངས།  
            ཧོ་ཧྲུའུ་ཅུན་གྱིས།  བདེ་ཆེན་ཁུལ་གྱི་བོད་རིག་པ་ཞིབ་འཇུག་གླིང་བཙུགས་ནས་ལོ་ངོ40ལྷག་འགོར་ཡོད།  ཡུན་ནན་ཞིང་ཆེན་ཨུ་ལྷན་དང་བདེ་ཆེན་ཁུལ་ཨུ་ལྷན་གྱི་འགྱུར་མེད་སྟོབས་ལྡན་གྱི་འགོ་ཁྲིད་འོག་དང་།  ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཚུད་པའི་རྒྱལ་ནང་གི་རིག་གཞུང་ཚན་པས་རྒྱབ་སྐྱོར་ཤུགས་ཆེན་བྱས་ཏེ། རྨང་གཞིའི་རང་བཞིན་གྱི་ཞིབ་འཇུག་ལས་དོན་རབ་དང་རིམ་པ་ལེགས་འགྲུབ་དང་དཔེ་དེབ་དཔྱད་ཡིག་ཁག་ཅིག་དཔེ་སྐྲུན་འགྲེམས་སྤེལ་བྱས་ཡོད་ཅིང་། བདེ་ཆེན་ཁུལ་གྱི་འབྲེལ་ཡོད་མི་རིགས་ཆོས་ལུགས་ཞིབ་འཇུག་ཕུན་སུམ་ཇེ་ཚོགས་དང་འཐུས་ཚང་དུ་བཏང་ནས།   ས་གནས་ཏང་ཨུད་དང་སྲིད་གཞུང་ལ་ཐབས་ཇུས་བློ་འདྲིའི་ཞབས་ཞུ་མཁོ་འདོན་བྱས་ཡོད།  ད་ཐེངས་ཀྱི་མཉམ་ལས་མཉམ་སྐྲུན་བརྒྱུད་ནས་བདེ་ཆེན་ཁུལ་བོད་རིག་པ་ཞིབ་འཇུག་གླིང་གིས་སྒྲིག་གཞི་བཀོད་སྒྲིག་དང་དཔུང་ཁག་འཛུགས་སྐྲུན། རིག་ཚན་འཛུགས་སྐྱོང་སོགས་ཀྱི་ཐད་སྔར་བས་མཐོ་རུ་གཏོང་ཐུབ་རྒྱུའི་རེ་བ་ཡོད་ཅེས་གསུངས།  

གན་རྒྱ་འཇོག་པའི་མཛད་སྒོའི་ཡུལ་དངོས།  
            ཤེས་རྟོགས་བྱུང་བར་གཞིགས་ན།  ཀྲུང་གོའི་བོད་རིག་པ་ཞིབ་འཇུག་ལྟེ་གནས་དང་བདེ་ཆེན་ཁུལ་བོད་རིག་པ་ཞིབ་འཇུག་གླིང་གཉིས་ཀྱིས“ཀྲུང་ཧྭ་མི་རིགས་ཀྱི་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པའི”མཉམ་ལས་ཞིབ་འཇུག་གན་རྒྱར་མིང་རྟགས་བཀོད་པར།  བདེ་ཆེན་ཁུལ་གྱི་མི་རིགས་མཐུན་སྒྲིལ་ཡར་ཐོན་དཔེ་སྟོན་གཏོད་པའི་ལས་དོན་གྱི་གྲུབ་འབྲས་སྲ་བརྟན་དང་གཏིང་ཟབ་ཏུ་གཏོང་རྒྱུར་དམིགས་ཏེ།  བདེ་ཆེན་ཁུལ་གྱིས་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་གྱི་ཚད་གཞི་འཛུགས་རྒྱུའི་བསམ་ཕྱོགས་གསར་པ་དང་བྱ་ཐབས་གསར་པ། བྱེད་ཐབས་གསར་པ་སོགས་འཚོལ་ཞིབ་དང་ཞིབ་འཇུག་གཏིང་ཟབ་བྱས་ནས་ཆེད་དོན་ཞིབ་འཇུག་བྱ་རྒྱུ་དང་འབྲེལ་ལོ་རེ་བཞིན་ཚན་ཞིབ་གྲུབ་འབྲས་རབ་དང་རིམ་པ་འདོན་རྒྱུ་རེད། 
39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1