གཙོ་ངོས།>> སྒྱུ་རྩལ།>>སྒྱུ་རྩལ་ཞིབ་འཇུག

རྩོམ་པ་པོ། མི་གསལ། རྩོམ་སྒྲིག་པ།དབང་ཆེན།ཡོང་ཁུངས།ཀྲུང་གོའི་བོད་ལྗོངས་དྲ་བ། སྤེལ་དུས། ༢༠༢༡ལོའི་ཟླ་བ་༠༦ཚེས་༢༣ཉིན།

༄༅།།འབྲི་རྒྱུད་འབྲི་རྨོ་ཡུལ་གྱི་གནའ་བྲོ།

                                                           སྲིད་པ་ཡག་ལ་དང་པོ་མ་ཆགས།།
                                                           སྲིད་པ་ཡག་ལ་དང་པོ་ཆགས་བྱུང་།།
                                                           སྲིད་པ་ཡག་ལ་དང་པོ་ཆགས་ས།།
                                                           རྩ་བ་ཡག་ལ་ཙན་དན་སྡོང་པོ།།
                                                           ཙན་དན་ཡག་ལ་རྩ་བ་ཡག་བྱུང་།།
                                                           རྩ་བ་ཡག་ལ་ས་ལ་ཟུག་ཡོད།།
                                                           ཙན་དན་ཡག་ལ་སྐེད་པ་ཡག་བྱུང་།།
                                                           རྐེད་པ་ཡག་ལ་གསེར་ཤུབས་ཕྲ་མོ།།
                                                           ཙན་དན་ཡག་ལ་ལོ་མ་ཡག་བྱུང་།།
                                                           ལོ་མ་ཡག་ལ་གདུགས་དང་རྒྱལ་མཚན།།
                                                           ཙན་དན་ཡག་ལ་རྩེ་མོ་ཡག་བྱུང་།།
                                                           རྩེ་མོ་ཡག་ལ་དགུང་དང་མཉམ་བྱུང་།།

                                                           སྲིད་པ་ཡག་ལ་གཉིས་པ་མ་ཆགས།།
                                                           སྲིད་པ་ཡག་ལ་གཉིས་པ་ཆགས་བྱུང་།།
                                                           སྲིད་པ་ཡག་ལ་གཉིས་པ་ཆགས་ས།།
                                                           རྩ་བ་ཡག་ལ་ལྷ་ཤུག་སྡོང་པོ།།
                                                           ལྷ་ཤུག་ཡག་ལ་རྩ་བ་ཡག་བྱུང་།།
                                                           རྩ་བ་ཡག་ལ་ས་ལ་ཟུག་ཡོད།།
                                                           ལྷ་ཤུག་ཡག་ལ་སྐེད་པ་ཡག་བྱུང་།།
                                                           སྐེད་པ་ཡག་ལ་དངུལ་ཤུབས་ཕྲ་མོ།།
                                                           ལྷ་ཤུག་ཡག་ལ་ལོ་མ་ཡག་བྱུང་།།
                                                           ལོ་མ་ཡག་ལ་གདུགས་དང་རྒྱལ་མཚན།།
                                                           ལྷ་ཤུག་ཡག་ལ་རྩེ་མོ་ཡག་བྱུང་།།
                                                           རྩེ་མོ་ཡག་ལ་དགུང་དང་མཉམ་བྱུང་།།

                                                           སྲིད་པ་ཡག་ལ་གསུམ་པ་མ་ཆགས།།
                                                           སྲིད་པ་ཡག་ལ་གསུམ་པ་ཆགས་བྱུང་།།
                                                           སྲིད་པ་ཡག་ལ་གསུམ་པ་ཆགས་ས།།
                                                           རྩ་བ་ཡག་ལ་ལྕང་མའི་སྡོང་པོ།།
                                                           ལྕང་མ་ཡག་ལ་རྩ་བ་ཡག་བྱུང་།།
                                                           རྩ་བ་ཡག་ལ་ས་ལ་ཟུག་ཡོད།།
                                                           ལྕང་མ་ཡག་ལ་སྐེད་པ་ཡག་བྱུང་།།
                                                           སྐེད་པ་ཡག་ལ་གཡུ་ཤུབས་ཕྲ་མོ།།
                                                           ལྕང་མ་ཡག་ལ་ལོ་མ་ཡག་བྱུང་།།
                                                           ལོ་མ་ཡག་ལ་གདུགས་དང་རྒྱལ་མཚན།།
                                                           ལྕང་མ་ཡག་ལ་རྩེ་མོ་ཡག་བྱུང་།།
                                                           རྩེ་མོ་ཡག་ལ་དགུང་དང་མཉམ་བྱུང་།།   
39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1