༄༅། །དཀར་མཛེས་བོད་རིགས་རང་སྐྱོང་ཁུལ་ནགས་ཚལ་དང་རྩྭ་ཐང་མེ་འགོག་ལས་ཀའི་འགན་འཁྲི་བདའ་འདེད་བྱེད་སྟངས།༼༣༽

རྩོམ་སྒྲིག་པ།ཡོང་ཁུངས། སྤེལ་དུས། 01-13


      (བཅུ་གཅིག)ནགས་ཚལ་དང་རྩྭ་ཐང་གི་མི་མངོན་པའི་མེ་སྐྱོན་གནས་ཚུལ་དུས་ཐོག་ཏུ་འཐེན་ཞིབ་བྱས་ཏེ་དང་ཐོག་ནས་མི་མངོན་པའི་མེ་སྐྱོན་གནས་ཚུལ་མེད་པ་བཟོས་དགོས།

     (བཅུ་གཉིས།)ནགས་ཚལ་དང་རྩྭ་ཐང་མེ་སྐྱོན་གྱི་འཕྲལ་སྐྱོབ་བྱེད་སྟངས་ཀྱི་སྔོན་བཀོད་འཆར་གཞི(ཐག་གཅོད་བྱེད་ཐབས)བཟོས་ནས་དུས་དང་མཐུན་པར་འཁྲབ་སྦྱོང་བྱེད་དགོས།

     (བཅུ་གསུམ།)ཉིན་མཚན་ཀུན་ཏུ་ལས་རེས་བྱས་ནས་འགོ་ཁྲིད་ཀྱིས་ལས་རེས་སྣེ་ཁྲིད་བྱ་རྒྱུའི་ལམ་ལུགས་འཐུས་སྒོ་ཚང་དུ་བཏང་སྟེ།མེ་ཡོད་ན་ངེས་པར་དུ་སྙན་སེང་ཞུ་དགོས་པ་སོགས་དུས་ཐོག་ཏུ་ནགས་ཚལ་དང་རྩྭ་ཐང་གི་མེ་སྐྱོན་སྙན་སེང་ཞུ་རྒྱུའི་གཏན་འབེབས་བྱེད་དགོས།

     (བཅུ་བཞི།)ནགས་ཚལ་དང་རྩྭ་ཐང་གི་མེ་སྐྱོན་རྒུད་སྐྱོབ་དང་གནོད་སྐྱོན་ཐེབས་རྗེས་ཀྱི་ལས་ཀ་སྒྲིག་འཛུགས་དང་མཐུན་སྦྱོར།བཀོད་འདོམས་བཅས་བྱེད་དགོས།

     (བཅོ་ལྔ།)ཤང(གྲོང་རྡལ།)དང་གྲོང་སྡེ་རིམ་པ་གཉིས་ཀྱི་ནགས་ཚལ་དང་རྩྭ་ཐང་བསྐོར་བསྐྱོད་སྲུང་སྐྱོང་བྱེད་མཁན་ཚོ་ཆུང་བཙུགས་ནས་ཤང(གྲོང་རྡལ།)དང་གྲོང་སྡེ་རིམ་པ་གཉིས་ཀྱི་ལས་བྱེད་པ་དང་།ནགས་ཚལ་སྲུང་མཁན།རྩྭ་ཐང་དོ་དམ་པའི་འགན་འཁྲི་དོན་འཁྱོལ་བྱས་ཏེ་ཁྱོན་ཡོངས་ནས་གྲོང་དམངས་ཀྱིས་རེས་སྐོར་ནས་ལས་རེས་བྱ་རྒྱུའི་ལམ་ལུགས་ལ་སྐུལ་འདེད་བྱེད་དགོས།

     (བཅུ་དྲུག)དཔྱད་འདེམས་སྐུལ་སློང་གི་ནང་རྐྱེན་བཙུགས་ནས་ནགས་ཚལ་མེ་འགོག་གི་ལས་ཀ་དང་རྒྱལ་དབང་ནགས་ཚལ་དོ་དམ་བྱེད་སའི་གྲོན་དངུལ།ཐུན་མོང་གི་སྤྱི་ཕན་ནགས་ཚལ་གྱི་སྐྱེ་ཁམས་ཕན་འབྲས་ཀྱི་ཁ་གསབ་རོགས་དངུལ་འཛིན་སྤྲོད་དངུལ་ལེན་བྱ་རྒྱུ་དང་ཟུང་འབྲེལ་བྱས་པ་དང་།རྩྭ་ཐང་གི་མེ་འགོག་ལས་ཀ་དང་རྩྭ་ཐང་གི་སྐྱེ་ཁམས་སྲུང་སྐྱོང་བྱེད་སའི་ཁ་གསབ་རོགས་དངུལ་འཛིན་སྤྲོད་དངུལ་ལེན་བྱ་རྒྱུ་གཉིས་ཟུང་འབྲེལ་བྱེད་དགོས།

     དོན་ཚན་དྲུག་པ།ཁུལ་དང་རྫོང་གི་ནགས་ལས་དང་ཕྱུགས་འབྲོག་སྲིད་འཛིན་གཙོ་གཉེར་སྡེ་ཁག་གིས་ཁག་དབྱེ་ནས་རང་ཉིད་ཀྱི་སྲིད་འཛིན་ས་ཁོངས་ནང་གི་ནགས་ཚལ་དང་རྩྭ་ཐང་མེ་འགོག་ལས་ཀར་ལྟ་སྐུལ་དོ་དམ་བྱེད་འགན་འཁུར་ནས།རིམ་པ་རང་ཉིད་ཀྱི་སྲིད་གཞུང་གི་ནགས་ཚལ་དང་རྩྭ་ཐང་མེ་འགོག་བཀོད་འདོམས་ལས་ཁུངས་ཀྱིས་དུས་རྒྱུན་པའི་ལས་ཀ་སྒྲུབ་འགན་འཁུར་དགོས།ཁུལ་དང་རྫོང་གི་ནགས་ཚལ་དང་རྩྭ་ཐང་མེ་འགོག་བཀོད་འདོམས་པུའུ་ཡི་གྲུབ་མི་སྡེ་ཚན་གྱིས་འབྲེལ་ཡོད་ཆོད་དོན་ལྟར་སྲིད་འཛིན་སྡེ་ཁག་གི་འགན་ནུས་བསྒྲུབ་དགོས་པ་རེད།     དོན་ཚན་བདུན་པ།གྲོང་དམངས་ཨུ་ཡོན་ལྷན་ཁང་གིས་གྲོང་སྡེ་རང་ཉིད་ཀྱི་ནགས་ཚལ་དང་རྩྭ་ཐང་མེ་འགོག་གི་ལས་ཀ་སྒྲུབ་འགན་འཁུར་ནས་མང་ཚོགས་སྒྲིག་འཛུགས་བྱས་ཏེ་ནགས་ཚལ་དང་རྩྭ་ཐང་གི་མེ་འགོག་དཔུང་སྡེ་བཙུགས་ནས།ནགས་ཚལ་དང་རྩྭ་ཐང་གི་མེ་སྐྱོན་འཕྲལ་སྐྱོབ་ཐག་གཅོད་ཀྱི་ལས་ཀ་ཡག་པོ་སྒྲུབ་རོགས་བྱེད་དགོས།

     ལེའུ་གསུམ་པ།འགན་འཁྲི་བདའ་འདེད།     དོན་ཚན་བརྒྱད་པ།འགན་འཁྲི་བདའ་འདེད་ནི་ཐ་ཚིག་སྐུལ་ལྕག་གི་ཁ་བརྡ་དང་ཡོངས་ཁྱབ་སྐྱོན་བརྗོད།འགན་དཀྲི་ནས་ཡིག་ཐོག་ཞིབ་བཤེར་བྱ་རྒྱུ།ལས་འགན་གནས་སྐབས་མེད་པ་བཟོས་ནས་ཞིབ་བཤེར་བྱས་པ་དང་།འགན་འཛོལ་རང་དཀྲི་བྱས་ནས་ལས་འགན་དགོངས་ཞུ་བྱ་རྒྱུ།འགན་དཀྲི་ནས་ལས་འགན་དགོངས་ཞུ་བྱ་རྒྱུ།ལས་འགན་མེད་པ་བཟོ་བ་དང་ཐ་ཚིག་སྒྲོག་པ།སྐྱོན་ཐོ་འགོད་པ།སྐྱོན་ཐོ་ཆེན་པོ་འགོད་པ།གོ་གནས་ཕབ་པ།ལས་འགན་མེད་པ་བཟོ་བ།ཕྱིར་འབུད་བྱ་རྒྱུ་སོགས་སྲིད་ཁྲིམས་ཐག་གཅོད་དང་།དེ་བཞིན་དུ་ཐ་ཚིག་སྒྲོག་པ།ཐ་ཚིག་དྲག་པོ་སྒྲོག་པ།ཏང་ནང་གི་གོ་གནས་མེད་པ་བཟོ་བ།ཏང་ནང་བཞག་ནས་ལྟ་ཞིབ་བྱ་རྒྱུ།ཏང་ནང་ནས་ཕུད་པ་སོགས་ཏང་གི་སྒྲིག་ལམ་གྱི་ཆད་པ་གཅོད་རྒྱུ་ཡིན།

     དོན་ཚན་དགུ་པ།རྫོང་མི་དམངས་སྲིད་གཞུང་གིས་རེ་འདུན་ལྟར་བྱེད་ཐབས་འདིའི་དོན་ཚན་ལྔ་པའི་ཆོད་དོན་ལྟར་འགན་འཁྲི་མ་སྒྲུབ་པ་དང་།ནགས་ཚལ་དང་རྩྭ་ཐང་མེ་སྐྱོན་བྱུང་སྐབས་ལས་བགོས་འགན་གཉེར་བྱེད་མཁན་གྱི་འགོ་ཁྲིད་ལ་དམིགས་བསལ་གྱི་རྒྱུ་རྐྱེན་མེད་ནས་མེ་སྐྱོན་བྱུང་ཡུལ་དུ་སྒྲིག་འཛུགས་བཀོད་འདོམས་བྱེད་སར་སླེབས་མེད་པ་དང་།ནགས་ཚལ་དང་རྩྭ་ཐང་ལ་མེ་སྐྱོན་བྱུང་ནས་ཆོད་དོན་ལྟར་དུས་ཐོག་ཏུ་གོང་རིམ་ལ་སྙན་ཞུ་བྱེད་མེད་མཁན་བཅས་ལ་ཁུལ་ནགས་ཚལ་དང་རྩྭ་ཐང་མེ་འགོག་བཀོད་འདོམས་པུའུ་ཡིས་དག་ཐེར་བཅོས་སྐྱོང་བྱ་རྒྱུའི་བརྡ་ཐོ་བཏང་ནས་དུས་བཀག་ནང་དག་ཐེར་བཅོས་སྐྱོང་བྱ་རྒྱུའི་འགན་དཀྲི་དགོས།     དག་ཐེར་བཅོས་སྐྱོང་བྱེད་ཤུགས་མི་འདང་མཁན་ཡིན་ཕྱིར།རྫོང་མི་དམངས་སྲིད་གཞུང་གི་འགོ་ཁྲིད་གཙོ་བོར་སྐྱོན་བརྗོད་སློབ་གསོ་བྱེད་དགོས།ཏང་སྲིད་ཀྱི་ལས་བགོས་འགན་གཉེར་བྱེད་མཁན་གྱི་འགོ་ཁྲིད་ལ་ཐ་ཚིག་སྐུལ་ལྕག་གི་ཁ་བརྡ་བྱེད་དགོས།     ལོ་འཁོར་ནང་།ས་ཁོངས་རང་ཉིད་ཀྱི་འགན་འཁུར་སའི་ཁྱབ་ཁོངས་ནང་གཤམ་གསལ་གྱི་གནད་དོན་གཅིག་ཡོད་ཕྱིར།སྲིད་གཞུང་གི་གཙོ་བོའི་འགོ་ཁྲིད་ཀྱིས་ཡིག་ཐོག་ཞིབ་བཤེར་བྲིས་དགོས་ལ།བཀའ་སློབ་མཛུབ་སྟོན་བྱ་རྒྱུ་རེད།ཏང་སྲིད་ཀྱི་ལས་བགོས་འགན་གཉེར་བྱེད་མཁན་འགོ་ཁྲིད་ལ་ཡོངས་ཁྱབ་སྐྱོན་བརྗོད་བྱས་པས་མ་ཚད།གནས་ཚུལ་ཚབས་ཆེ་ཆུང་ལ་བལྟས་ནས་བལྟོས་བཅས་ཀྱིས་ཏང་དང་སྲིད་འཛིན་སྒྲིག་ལམ་གྱི་ཆད་གཅོད་བྱེད་དགོས།


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1