དེ་རིང་ནི་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་༡༠༠འཁོར་བའི་དུས་སྟོན་གལ་ཆེན་ཞིག་ཡིན། དེ་རིང་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་༡༠༠འཁོར་བའི་ཚོགས་ཆེན་དེ་པེ་ཅིང་གནམ་བདེ་སྒོ་མོའི་ཐང་ཆེན་དུ་གཟབ་རྒྱས་ངང་འཚོགས་ཤིང་། ཀྲུང་གོ་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུའི་ཀྲུའུ་ཞི་ཞི་ཅིན་ཕིང་གིས་གསུང་བཤད་གལ་ཆེན་གནང་། དཀར་མཛེས་དང་རྔ་བ་སོགས་བོད་འབྲེལ་ས་ཁུལ་གྱི་ལས་ཁུངས་ཀྱི་ལས་བྱེད་པ་དང་། དགེ་སློབ། ཞིང་འབྲོག་མང་ཚོགས། ཆོས་ལུགས་མི་སྣ་སོགས་ཀྱིས་དུས་ལྟར་ཀྲུང་དབྱང་བརྙན་འཕྲིན་ཁང་གི་ཐད་གཏོང་བརྙན་འཕྲིན་ལ་བལྟས་པ་རེད། འོག་གི་པར་རྣམས་ནི་བོད་ཀྱི་ས་གནས་ཁག་གིས་ཐད་གཏོང་བརྙན་འཕྲིན་ལ་ལྟ་བཞིན་པའི་གནས་ཚུལ་རེད།
