༄༅།།རྒྱན་གོས་ཀྱི་སྐོར།

རྩོམ་པ་པོ། མི་གསལ།རིག་འཛིན་བསྟན་སྲུང་། རྩོམ་སྒྲིག་པ།དབང་ཆེན།ཡོང་ཁུངས།ཁམས་པའི་རིག་གནས་དྲ་བ། སྤེལ་དུས། 07-20


   གོས་ཀྱི་རྣམ་གྲངས་ནི། སློག་པ་དང་།  ཕྲུག་ལྭ།  འགོ་སྣམ་ལྭ་བ།   རས་ལྭ།   ཚར་ལྭ།  སྤུ་བཙུགས་ལྭ་བ།   གནའ་སྔོན་མ་ཕྲུག་དང་ཚ་རུའི་མཐའ་ལ་སྟག་དང་སྲམ་གཟིག་གི་ལྤགས་པས་མཐའ་ཤན་རྒྱག་སྲོལ་ཡོད་ཀྱང་།  དེང་སང་ནི་ཁོར་ཡུག་སྲུང་སྐྱོབ་བྱེད་རྒྱུ་བཅས་ལ་མི་འཚམ་པས་དེ་འདྲ་གྱོན་སྲོལ་མེད།  ཞྭ་དང་ལྷམ་ལའང་རིགས་དུ་མ་ཡོད།   དོར་མ་ལ་དབྱེ་ན།  སྣམ་བུ་དོར་མ།  ཕྲུག་གི་དོར་མ།  ཀོ་བའི་དོར་མ།བེའུ་པགས་དོར་མ། ཀོ་བའི་དོར་མ།རྐོ་འབུ་དོར་མ།ཁྱི་ལྤགས་དོར་མ།གླ་ལྤགས་དོར་མ།  རྣ་ལྤགས་དང་ཤྭ་ལྤགས་དོར་མ་བཅས་ཡོད།   ཆར་གོས་ལ་ཕྱིང་ཞྭ་དང་ཕྱིང་སྐོར།  བཞོ་ཞྭ་སོགས་ཡོད།  སྤྱིར་བོད་གོས་སློག་པ་སོགས་ལྟ་བུ་ཡིན་ན་ཉིན་དཀར་ལུས་ལ་གྱོན་ཏེ་རྒྱབ་གོས་བྱེད་པར་མ་ཟད།  མཚན་མོ་འོག་ཏུ་བལ་སྟན་དཀར་པོ་བཏང་ཞིང་སྟེང་དུ་སློག་པ་ལ་ཁུག་དྲིལ་བླངས་ནས་ཉལ་གོས་བྱེད་ཆོག་པ་ཡིན།  འབྲོག་གོས་ཀྱི་སློག་པ་དང་སྣམ་བུ་ལྭ་བ་དཀར་ནག་དང་འགོ་སྣམ་ལྭ་བ་བཅས་ནི་ཆ་ཆེན་འཛབ་རིང་ཡིན།  ཆ་ཆེན་འཛབ་རིང་ཞེས་པ་ནི་གོས་རྒྱ་ཆེ་ལ་སྣ་རིང་བ་ཞིག་ཡིན་ཞེས་པའི་དོན་ལ་གོ་བ་ཡིན།     གོས་ལ་དུས་ཀྱི་སྒོ་ནས་བཤད་ན་དབྱར་དགུན་སྟོན་དཔྱིད་བཞིའི་དབྱེ་བ་མི་འདྲ་བ་རེ་རེ་ཡོད་པ་ཡིན་ནོ།།

ཟས་གོས་འགྲོ་སྡོད་བཞིའི་ངོ་སྤྲོད།

གསུམ་པ།  འགྲོ་ཆས་ཀྱི་སྐོར།  

   གནའ་སྔོན་མ་ནི།  རྟ་དང་།  མཛོ།  གཡག  དྲེལ་སོགས་ལ་ཞོན་ནས་ས་ཆ་ཐག་རིང་ཐུང་ཀུན་ལ་འགྲོ་དགོས་པ་ཡིན།  དེང་སང་ནི་ལྕགས་རྟ་དང་།   འཕྲུལ་རྟ།  རླངས་འཁོར།  འདྲུད་འཐེན་འཁོར་ལོ་སོགས་ཡོད་པས་གནམ་ས་ཆུ་གསུམ་ལ་འགྲིམ་འགྲུལ་སྟབས་ཧ་ཅང་བདེ་མོ་ཆགས་ཡོད་པ་ཡིན་ནོ།།

ཟས་གོས་འགྲོ་སྡོད་བཞིའི་ངོ་སྤྲོད།

བཞི་པ།  སྡོད་སའི་སྐོར།

   འབྲོག་པ་རྣམས་གཙོ་བོ་སྡོད་ས་ནི་འབྲི་གཡག་གི་སྤུ་ཁུལ་གྱི་སྤུན་དང་རྒྱུ་རྩིད་པ་ཡིས་བཟོས་པའི་སྦྲ་དང་།  ནག་ཚང་།  ཀླད་ནག་སོགས་ཀྱི་ནང་དུ་འདུག་དགོས།  གཞན་ཡང་རང་གིས་བཟོས་པའི་གུར་ཆེ་ཆུང་རྣམས་ཕུབ་ནས་སྡོད་དགོས།  དུས་རབས་ཉི་ཤུ་པའི་ནང་དུ་བརྒྱ་ཆ༢༠ནས༣༠མན་ཆད་ལ་དགུན་ཁ་སྡོད་ས་སྤོ་ཐོ་ཁང་པ་དང་ཡང་ན་སྤོ་ཐོ་དང་རྡོ་འདྲེས་མའི་ཁང་པ་དང་རྒྱ་ར་བཅས་བརྩིགས་ཡོད་པ་ཡིན་ཞིང་།  དུས་རབས་ཉེར་གཅིག་པའི་ནང་དུ་དགུན་ཁ་སྡོད་ས་ཁྱིམ་ཚང་བརྒྱ་ཆ༩༠ཡན་ཆད་རྡོ་ཡིས་རྩིག་པའི་ཁང་པ་ཆེ་ཆུང་སྣ་ཚོགས་ལས་ཏེ་བསྡད་ཡོད།  ཁང་པ་སྲ་འཁྲེགས་ཅན་ཞིག་རྩིག་ཤེས་ཚོད་མེད་པ་འདྲ་དཔེར་ན།  ས་འགུལ་ཡོང་སྐབས་བལྟས་ནས་ང་རང་ཚོས་ཤེས་སོ།།



དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1