འབྲི་རུ་རྫོང་གི་མི་རིགས་ཁག་གི་ལས་བྱེད་པ་དང་མང་ཚོགས་ཚོ་ཚྭ་ཆུ་ཤང་མར་ཁུག་གྲོང་ཚོའི་མཚོ་མོའི་སྟེང་དུ་མཉམ་འཛོམས་བྱས་ནས་ངོ་མཚར་ཆེ་བའི་རིག་རྩལ་འཁྲབ་སྟོན་གྱིས་འགོ་ཚུགས་མཛད་སྒོ་དེ་གླུ་གར་གྱི་རྒྱ་ཆེན་པོར་གྱུར་ཡོད། ངོ་མཚར་ཆེ་བའི་གླུ་དབྱངས་དང་ཡིད་དབང་འཕྲོག་པའི་ཉམས་འགྱུར་ཐོག་ནས་མི་དམངས་ཀྱིས་རླབས་ཆེན་གྱི་མེས་རྒྱལ་ལ་བཅངས་པའི་དགའ་ཞེན་དང་ཏང་ལ་བཅངས་པའི་དྲིན་ཚོར་གྱི་བརྩེ་སེམས་དང་འབྲི་རུའི་མི་དམངས་ཀྱི་ནང་སེམས་ཀྱི་སྤྲོ་སྣང་དང་བདེ་སྐྱིད་ལྡན་པའི་འཚོ་བར་བསྔགས་བརྗོད་བྱེད་པ་མཚོན་གྱི་ཡོད།
ཤེས་རྟོགས་བྱུང་བར་གཞིགས་ན།“ལོ་ལྔ་ཚན་བཅུ་གསུམ་པའི”མཇུག་དང་“ལོ་ལྔ་ཚན་བཅུ་གཉིས་པའི”དུས་མཇུག་གཉིས་བསྡུར་ན། འབྲི་རུ་རྫོང་གི་ཐོན་སྐྱེད་སྤྱིའི་རིན་ཐང་སྒོར་དུང་ཕྱུར་13.19ལེགས་སྒྲུབ་བྱས་ནས་65.70%འཕར་བ་དང་། སྤྱིར་བཏང་གི་སྤྱི་པའི་སྔོན་རྩིས་ཡོང་འབབ་སྒོར་ཁྲི་8322.3ཟིན་ནས་173.93%འཕར་བ། ཞིང་འབྲོག་པ་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་ཁྲི་1.60ཟིན་ནས་53.85%འཕར་བ། སྤྱི་ཚོགས་ཀྱི་འཛད་རྫས་སིལ་ཚོང་བསྡོམས་འབོར་སྒོར་དུང་ཕྱུར་3.12ཟིན་ནས་108%འཕར་བ། འབྲི་རུ་རྫོང་གི་སྤྱིའི་ནོར་ཤུགས་སྒོར་དུང་ཕྱུར་75.66ཟིན་ནས་200.36%འཕར་བ་དང་། གཏན་འཇགས་རྒྱུ་ནོར་ལ་མ་དངུལ་སྒོར་དུང་ཕྱུར་109.1བཏང་བ་དེ“ལོ་ལྔ་ཚན་བཅུ་གཉིས་པའི”དུས་མཚུངས་ལས་133.62%འཕར་ཡོད།
ཤེས་རྟོགས་བྱུང་བར་གཞིགས་ན། སྐབས་འདིའི་སུམ་པ་ནགས་ཤོད་རིག་གནས་ཡུལ་སྐོར་སྒྱུ་རྩལ་དུས་ཆེན་དུས་ཡུན་ཉིན་6ཡིན་པ་དང་། དབྱར་རྩྭ་དགུན་འབུའི་ཚོང་འདུས་ཚོགས་འདུ་དང་། མངོན་མིན་རིག་གནས་ཤུལ་བཞག་གི་རྩེར་སོན་ལེ་ཚན་ཆེད་དོན་འཁྲབ་སྟོན།“འབྲོག་པའི་ཉམས་འགྱུར·འབྲི་རུའི་ཟུགས་བརྙན”འདེམས་སྒྲུག་འགྲན་བསྡུར། “དབྱར་རྩྭ་དགུན་འབུའི”དཔྱད་བསྡུར་འགྲན་བསྡུར། རྟ་རྒྱུག་སོགས་སྣ་མང་ཕུན་སུམ་ཚོགས་པའི་བྱེད་སྒོ་སྤེལ་རྒྱུ་ཡིན་པ་རེད།
