གཙོ་ངོས།>> སློབ་གསོ།>>འཚོ་བའི་རྒྱུན་ཤེས།

རྩོམ་སྒྲིག་པ།ཚེ་དཔལ། ཡོང་ཁུངས།བོད་ལྗོངས་ཉིན་ཚགས། སྤེལ་དུས། ༢༠༢༡ལོའི་ཟླ་བ་༠༨ཚེས་༢༣ཉིན།

༄༅།། ཁ་རས་རྒྱག་སྐབས་མིག་ཤེལ་ལ་ཁ་རླངས་འཁོར་ན་གང་འདྲ་བྱེད་དགོས་སམ།


         རིམས་ནད་སྔོན་འགོག་དང་ཚོད་འཛིན་བྱེད་རིང་། ཕྱིར་སྐྱོད་སྐབས་ཚང་མས་ཁ་རས་རྒྱག་གི་ཡོད། ཁ་རས་ཀྱིས་ནད་དུག་འགོག་ཐུབ་རུང་། མིག་ཤེལ་རྒྱག་མཁན་ཁ་ལོ་བར་མི་བདེ་བ་བཟོ་ཡི་ཡོད། གང་ལགས་ཤེ་ན། ཁ་རས་བརྒྱབ་རྗེས་དབུགས་གཏོང་སྐབས་མིག་ཤེལ་ལ་ཁ་རླངས་འཁོར་ནས་རབ་རིབ་ཏུ་གྱུར་ཏེ་འགྲིམ་འགྲུལ་གྱི་ལས་འཛོལ་ཐོན་སླ་པོ་ཡོད། 

         མིག་ཤེལ་ལ་ཁ་རླངས་འཁོར་ནས་ལམ་དཀྱིལ་གྱི་ལྕགས་དྲར་བརྡུངས་པ། 
         མིག་ཤེལ་རྒྱག་མཁན་གྱིས་ཁ་རས་རྒྱག་སྐབས། མིག་ཤེལ་ལ་ཁ་རླངས་འཁོར་དོན་ནི་ཁ་རླངས་མིག་ཤེལ་གྲང་མོར་ཐུག་ནས། ཤེལ་སྒོར་རླངས་པ་འཁོར་བས་རེད། དེར་བརྟེན། མིག་ཤེལ་རླངས་པས་མི་སྒྲིབ་པ་བྱེད་དགོས་ན། ཁ་རས་དང་ངོ་གདོང་གི་སྲུབ་ནས་ཁ་རླངས་མ་ཤོར་བ་བྱེད་དགོས། དེ་ལྟར་བྱས་ཚེ་མིག་ཤེལ་ལ་ཁ་རླངས་མང་པོ་འཁོར་མི་སྲིད། གཤམ་ལ་མིག་ཤེལ་རྒྱག་མཁན་གྱིས་ཁ་རས་ཇི་ལྟར་རྒྱག་དགོས་མིན་ལ་ལན་གཅིག་གཟིགས་དང་། 
         ཁ་རས་རྒྱག་སྐབས། ཁ་རས་ཀྱི་ལྕགས་ལྷེབ་སྲབ་མོ་དེ་སྣ་ཁུག་ལ་དམ་པོར་གནོན་དགོས། ཇི་ཙམ་གྱིས་དམ་ན་དེ་ཙམ་གྱིས་མིག་ཤེལ་ལ་ཁ་རླངས་ཉུང་བ་འཁོར་སྲིད། གཞན་ཡང་། དྲ་གྲོགས་ཚོས་ཁ་རས་རྒྱག་སྐབས་མིག་ཤེལ་ལ་ཁ་རླངས་མི་འཁོར་བའི་ཐབས་ཤེས་ཡག་པོ་ཞིག་བསླབས་པ་སྟེ། 

         ཁ་རས་དང་རིང་ཚད་གཅིག་པ་ཡིན་པའི་ཤོག་བུ་ཞིག་ལྟེབ་རྩེག་བརྒྱབ་ནས་ཁ་རས་ཀྱི་ལྕགས་ལྷེབ་ལ་སྦྱར་དགོས། 

         དེ་ནས། ལྕགས་ལྷེབ་འདི་སྣ་ཁུག་ལ་དམ་པོར་གནོན་དགོས། 

         ཤ་ཚའི་དྲན་སྐུལ། གལ་ཏེ། མོ་ཊའི་ནང་སོ་སོ་གཅིག་པུ་ཡིན་ཚེ། ཁ་རས་ཡིན་གཅིག་རྒྱག་དགོས་མེད། དེ་དང་ཆབས་ཅིག མོ་ཊའི་སྒེའུ་ཁུང་ཕྱེ་ནས་རླུང་འགྲོ་ཡག་པོ་ཡོང་བར་བྱེད་དགོས། 
         མོ་ཊ་མ་བཏང་གོང་ནས་ཁ་རས་རྒྱག་པ་ལས། མོ་ཊ་གཏོང་གིན་གཏོང་གིན་ཁ་རས་བརྒྱབ་ན་འགྲིམ་འགྲུལ་ལས་འཛོལ་ཐོན་ཉེན་ཆེན་པོ་ཡོད།
39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1