ཕྱག་ཕྲེང་རྫོང་ལ“ཀྲུང་གོའི་བོད་ཁང་དཀར་པོའི་རིག་གནས་ཀྱི་ཕ་ས”ཞེས་པའི་མིང་བྱང་གསར་པ་ཐོབ་པ།

ཀུན་བཟང་ཆོས་སྒྲོན་གྱིས་བསྒྱུར། རྩོམ་སྒྲིག་པ།ཚེ་དཔལ། ཡོང་ཁུངས།ངེད་དྲ་བ། སྤེལ་དུས། 09-27



        གསར་འགོད་པས་ཕྱག་ཕྲེང་རྫོང་ནས་ཤེས་རྟོགས་བྱུང་བར་གཞིགས་ན། ཀྲུང་གོའི་དམངས་ཁྲོད་རིག་རྩལ་མཁས་ཅན་མཐུན་ཚོགས་ཀྱིས་རྟོག་ཞིབ་དང་རིགས་པས་ཁུངས་སྐྱེལ་བྱས་པ་བརྒྱུད། དངོས་སུ་ཡིག་ཆ་སྤྱི་བསྒྲགས་བྱས་ནས་དཀར་མཛེས་ཁུལ་ཕྱག་ཕྲེང་རྫོང་ལ་“ཀྲུང་གོའི་བོད་ཁང་དཀར་པོའི་རིག་གནས་ཀྱི་ཕ་ས”ཞེས་མིང་བྱང་བསྩལ་བ་རེད།

        མིང་བཏགས་པའི་གཏན་འབེབས་ནང་ཕྱག་ཕྲེང་རྫོང་ནི་སི་ཁྲོན་དང་། ཡུན་ནན། བོད་ལྗོངས་བཅས་ཞིང་ཆེན་གསུམ་འབྲེལ་མཚམས་སུ་གནས་པ་དང་། ཇ་རྟའི་གནའ་ལམ་གྱི་ས་ཚིགས་གལ་ཆེན་དང་སེམས་ཀྱི་ཉི་ཟླའི་རིག་གནས་སྣོད་བཅུད་ཁུལ་གྱི་ལྟེ་བའི་ས་ཁོངས་ཤིག་རེད།  བོད་ཁང་དཀར་པོ་ནི་ཕྱག་ཕྲེང་གྲོང་གསེབ་བཅས་ཀྱི་རིག་གནས་ཀྱི་མཚོན་རྟགས་གལ་ཆེན་ཞིག་དང་། བོད་མིའི་མི་རབས་ནས་མི་རབས་བར་གྱི་འཚོ་སྡོད་བྱེད་སྟངས་ཀྱི་དཔེ་མཚོན། ཕྱག་ཕྲེང་དམངས་ཁྲོད་རིག་རྩལ་གྱི་གཞི་རྟེན་གལ་ཆེན་དང་སྙིང་བཅུད་གཅིག་སྡུད་བྱེད་མཁན་བཅས་རེད། 
        ཉེ་བའི་ལོ་ཤས་རིང་། ཕྱག་ཕྲེང་རྫོང་ཨུ་དང་རྫོང་སྲིད་གཞུང་གིས་མི་རིགས་དང་དམངས་ཁྲོད་ཀྱི་རིག་གནས་ཤུལ་བཞག་རྒྱུད་འཛིན་དང་སྲུང་སྐྱོང་བྱེད་པའི་ལས་ཀར་ཚད་མཐོའི་མཐོང་ཆེན་བྱས། དམངས་འཚོའི་བདེ་སྐྱིད་ཆེ་རུ་གཏོང་རྒྱུ་དེ་ལས་དོན་ཡོངས་ཀྱི་འགོ་འཛུགས་སར་བྱེད་པ་དང་། “ཞིང་སྡེའི་བོད་ཀྱི་སྡོད་ཁང་དཀར་པོའི་ས་གཙང་ཤམ་བྷ་ལ་”ཞེས་པའི་རིག་གནས་སྤུས་རྟགས་ཞིབ་མོའི་བློ་ཡིས་སྐྱེད་སྲིང་བྱེད་པ། “དཀར་གཏོང་གུས་སྲོལ་”སོགས་དམངས་སྲོལ་བྱེད་སྒོ་རབ་དང་རིམ་པ་སྣེ་ཁྲིད་དུ་བྱེད་པ་བཅས་ཀྱི་ཐོག་ནས་གྲོང་གསེབ་དར་རྒྱས་དང་རིག་གནས་ཡུལ་སྐོར་མཉམ་འདྲེས་ཀྱི་འཕེལ་རྒྱས་འཐབ་ཇུས་ལག་ལེན་ཤུགས་ཆེར་བསྟར་དགོས། 


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1