ཞོགས་ཟས་སྔ་དགོས།ཞོགས་པའི་ཁ་ཟས་སྔ་དགོས་པ་དང་དགོང་ཟས་མི་འཕྱི་བ། ཞོགས་པར་ཟ་མ་ཟོས་རྗེས་ད་གཟོད་སྒོར་འགྲོ་བ། དེ་ལྟར་བྱས་ན་མཚེར་བ་དང་ཕོ་བར་ཕན་པ་ཡིན།   ཟས་ཚ་བོར་ཟ་བ།  ཟས་ཟ་དུས་ཚ་བོ་དང་། ཞིབ་ཏུ་བལྡད་ནས་དལ་མོར་མིད་དགོས། དེ་ལྟར་བྱས་ན་འཚོ་བཅུད་འཇུ་བར་ཕན་ཐོགས།  ཟས་ཟ་ཚོད་ཟིན་དགོས།  བཟའ་བཏུང་ལེགས་པར་སྡེབ་སྟེ་ཉུང་ཙམ་ཟ་དགོས། ཕོ་བ་ལྟོགས་དུས་ཟས་མང་པོ་ཟ་བ་དང་ཁ་སྐོམ་དུས་ཆུ་མང་པོ་འཐུང་བ་སོགས་མི་བྱེད་པ། ཉེན་རེར་ཤ་ཉུང་ཙམ་ཟ་བ་དང་ཟས་ལ་ཟ་ཚོད་འཛིན་དགོས། དགོང་ཟས་ཉུང་ཙམ་ཟོས་ན་ཟས་འཇུ་བར་ཕན།   སྣུམ་ཉུང་བའི་ཁུ་དྭངས་ཀྱི་རིགས་བསྟེན་པ།  སྣུམ་ཉུང་བའི་ཁུ་དྭངས་ཀྱི་རིགས་མི་ལུས་ལ་ཕན་ཞིང་། རོ་ལྔ་མང་དྲགས་ན་དེ་དག་གིས་ལུས་ལ་གནོད་པ་ཡིན། དཔེར་ན་མངར་ཆ་མང་དྲགས་ན་དེ་དག་གིས་ལུས་ལ་གནོད་པ་ཡིན། དཔེར་ན་མངར་ཆ་མང་དྲགས་ན་རུས་པ་ན་བ་དང་མགོ་སྐྲ་ལྷུང་འགྲོ་བ། སྐྱུར་མང་དྲགས་ན་སྐྱི་པགས་ཇེ་མཐུག་ཏུ་ཕྱིན་ཏེ་སྐྱི་པགས་དང་ཁ་ལ་སོགས་པར་སེར་ཁ་འབྱུང་སླ་བ། ཁ་ཚ་བ་མང་དྲགས་ན་སྙིང་ལ་གནོད་ཅིང་ཁྲག་འགག་པ། དེའི་ཕྱིར་རོ་ལྔ་ཚད་དང་མཐུན་པར་ལེགས་པར་སྡེབ་ན་ལུས་གསོ་བར་ཕན། དེ་ལ་དགའ་དྲགས་ན་ནད་གཞིའི་སྣ་ཚོགས་བསླངས་ནས་ཚེ་ཐག་ཇེ་ཐུང་དུ་གཏོང་ངོ། ཟས་ཚ་བོར་དགའ་བ།   མཚེར་བ་དང་ཕོ་བར་དྲོད་ཟས་འཕྲོད་ཅིང་གྲང་བའི་རིགས་མི་འཕྲོད། དེ་བས་ཟས་རློན་པ་དང་གྲང་མོ། ཞག་རྩི་དང་ཚི་ལུ་འཁྱགས་པ་བཅས་མ་ཟོས་ན་བཟང་།   ཟས་སྙི་མོ་ཟ་བ།  ཟས་རིགས་སྲ་མོའི་རིགས་ཕོ་བས་འཇུ་དཀའ་ཞིང་། དེའི་ཕྱིར་ཤ་སོགས་ཟ་དུས་ཚོས་ཐག་ཆོད་པར་བྱེད་དགོས། འབྲས་བཙོས་པའང་སྙི་འཇམ་ཡིན་དུས་ཟ་དགོས།