བོད་ལྗོངས་ལྷ་སར་ཆགས་ཡོད་པའི་དགེ་ལུགས་པའི་དགོན་སྡེ་ཀུན་བདེ་གླིང་དུ་བོད་ཀྱི་ལོ་སར་ཚེས་3ཉིན་ནས་བཟུང་། རྡོ་རྗེ་འཇིགས་བྱེད་ཀྱི་དཀྱིལ་འཁོར་བཞེངས་པའི་སྲོལ་རྒྱུན་གྱི་ཆོ་ག་ཞིག་ཡོད་པ་དང་། འདི་ལོར་ཡང་དགེ་འདུན་པ་ཚོས་ལོ་གསར་གྱི་ཚེས་པ་3ནས་བཟུང་དཀྱིལ་འཁོར་བཞེངས་འགོ་བརྩམས་ཤིང་། ཉིན་ལྔའི་རིང་རྡོ་རྗེ་འཇིགས་བྱེད་ཀྱི་དཀྱིལ་འཁོར་དེ་ཉིད་བཞེངས་ནས་ལེགས་འགྲུབ་བྱུང་བ་རེད། དཀྱིལ་འཁོར་དེ་ནི་ཀུན་བདེ་གླིང་གི་རྡོ་རྗེ་དཀྱིལ་འཁོར་རིགས་གསུམ་གྱི་ཡ་གྱལ་ཞིག་ཡིན་ལ། སྲོལ་ལུགས་ལྟར་ན་ལོ་རེའི་ལོ་སར་གྱི་སྐབས་བཞེངས་པ་དང་། དེ་རྗེས་ཀྱི་ཉིན་7རིང་ལ་ཆོས་ལུགས་ཀྱི་བྱེད་སྒོ་སྣ་ཚོགས་སྤེལ་བཞིན་ཡོད་པ་རེད། །