བོད་ལྗོངས་ལྷོ་ཁ་ས་ཁུལ་ནང་བསྟན་སློབ་གླིང་གི་བསམ་ཡས་དགོན་པའི་ཡན་ལག་སློབ་གླིང་ནི་སྤྱི་ལོ་2013ལོར་སྒོ་བྱང་བཀལ་ནས་དངོས་སུ་དབུ་བརྙེས་པ་ཡིན་ལ། མིག་སྔར་ཡན་ལག་སློབ་གླིང་དུ་དགེ་འདུན་60ལྷག་གིས་སློབ་དུས་ལོ་6རིང་གཙོ་བོར་གཞུང་ཆེན་བཀའ་པོད་ལྔ་སོགས་སློབ་སྦྱོང་བྱེད་བཞིན་ཡོད། ཁོང་ཚོས་ཞོགས་པའི་ཞོགས་སྦྱོང་བྱེད་པ་དང་། སྔ་དྲོར་དགེ་རྒན་གྱིས་སློབ་ཁྲིད་གནང་ཞིང་། སློབ་གསེང་ངལ་གསོ་རྒྱག་སྐབས་དགེ་འདུན་ཚོས་སློབ་གླིང་ནང་དུ་རྟགས་གསལ་གཏོང་གིན་ཡོད། །