གཙོ་ངོས།>> གསར་འགྱུར།>>བོད་འབྲེལ་ས་ཁུལ།

རྩོམ་སྒྲིག་པ།ཡོང་ཁུངས། སྤེལ་དུས། ༢༠༡༥ལོའི་ཟླ་བ་༠༤ཚེས་༠༧ཉིན།

ཀྲུང་དབྱང་མི་རིགས་སློབ་ཆེན་བོད་རིག་པ་ཞིབ་འཇུག་གླིང་གིས་བོད་སྐད་གཏམ་བཤད་འགྲན་བསྡུར་སྤེལ་འདུག

            སྤྱི་ཟླ་4པའི་ཚེས་2ཉིན་གྱི་ཆུ་ཚོད་7གྱི་ཐོག ཀྲུང་དབྱང་མི་རིགས་སློབ་ཆེན་བོད་རིག་པ་ཞིབ་འཇུག་གླིང་གི་སྐབས་བདུན་པའི་བོད་སྐད་གཏམ་བཤད་འགྲན་བསྡུར་རྒྱལ་སྤྱིའི་སློབ་གསོའི་སློབ་གླིང་གི་སྨྱན་གཟུགས་སློབ་ཁང་དུ་འཚོགས་པ་དང་། སློབ་གླིང་གི་མདོ་དབུས་ཁམས་གསུམ་ནས་ཡོང་བའི་འགྲན་ཞུགས་པ་10ལྷག་གིས་བོད་ཀྱི་ཡུལ་སྐད་ཆེན་པོ་གསུམ་ལས་རང་གི་ཡུལ་སྐད་མ་ཡིན་པའི་སྐད་ཀྱི་ཐོག་ནས་གཏམ་བཤད་དང་། ཀློག་འདོན། སྒྲ་ཕབ་ལ་ཉན་རྗེས་བསྐྱར་འདོན་བཅས་ཀྱི་འགྲན་བསྡུར་བྱས། མཐར་དབུས་གཙང་ནས་ཡིན་པའི་སློབ་གྲོགས་བློ་བཟང་བསྟན་འཛིན་གྱིས་ཨ་མདོའི་སྐད་བཤད་པའི་ཐོག་ནས་བྱ་དགའ་ཨང་དང་པོ་བླངས་པ་དང་། འགྲན་ཞུགས་སློབ་གྲོགས་གཞན་དག་ལ་ཡང་ཨང་གཉིས་པ་དང་གསུམ་པ། བསྔགས་སྐུལ་བྱ་དགའ་བཅས་ཐོབ་པ་རེད། གླིང་གཙོ་ཚེ་རིང་ཐར་ལགས་ཀྱིས་མདོ་དབུས་ཁམས་གསུམ་གྱི་ཡུལ་སྐད་ཐོག་ནས་ཕན་ཚུན་བར་སློབ་སྦྱོང་བྱ་དགོས་དོན་དང་སློབ་སྦྱོང་བྱེད་ཐབས། དེའི་ཕན་ཡོན་བཅས་ཀྱི་ཐད་ནས་ཕྱོགས་བསྡོམས་གསུང་བཤད་གནང་། །


39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1