ཀྲུང་གོ་བོད་ཀྱི་དྲ་བའི་འཕྲིན། ཟླ6པ་ནས་ཟླ10པའི་བར་ནི་མཚོ་སྔོན་ས་མཐོའི་ཡུལ་སྐོར་གྱི་དུས་ཚིགས་བཟང་པོ་ཡིན། མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་རེབ་གོང་གྲོང་ཁྱེར་རྒྱལ་བོ་ཤང་དུ་མེ་ཏོག་གི་འདབ་བརྒྱས་རྩྭ་ཐང་བཀླུབས། རྒྱང་རིང་གི་རི་སྒང་དུ་ཕུབས་པའི་ཞིང་པའི་སྤྲོ་སྐྱིད་ཁང་དག་ནི་གནམ་གྱི་མཐའ་ན་ཆགས་པའི་གྲོང་ཚོ་ཞིག་དང་མཚུངས། རྣང་མས་བཅད་པའི་གསེར་མདོག་གི་པད་ཁའི་ཞིང་ཁ་གྲུ་བཞི་རེ་རེས་ཉམས་འགྱུར་གྱིས་ཕྱུག་པའི་ཞིང་སྡེའི་རྣམ་པ་སྙན་ངག་བཞིན་བཀོད་ཡོད། ཆར་པ་བབས་རྗེས་ཀྱི་རྩྭ་ཐང་ནི། སྔར་བས་དྭངས་ཤིང་གཙང་ལ་ཚོན་མདངས་ཀྱིས་ཕྱུག་པས། ཡུལ་སྐོར་བའི་ཡིད་ཀྱི་དང་བ་ཅིག་ཅར་ཏུ་འཕྲོགས་ཡོད། །