སྤྱི་ཟླ་4པའི་ཚེས་10ཉིན། རྟའུ་རྫོང་གིས་འོས་འགན་ཤིང་འཛུགས་ཀྱི་བྱེད་སྒོ་སྤེལ་བ་རེད། རྫོང་གི་ཚོགས་པ་ཆེན་པོ་བཞིའི་འགོ་ཁྲིད་དང་རྫོང་ཡོངས་ཀྱི་ལས་ཁུངས་སོ་སོ། ཁེ་ལས་དང་དོན་ལས་སྡེ་ཚན་གྱི་ལས་བྱེད་པ་དང་ལས་བཟོ། བཅའ་སྡོད་དམག་དཔུང་གི་དཔོན་དམག་སོགས་ཀྱིས་རྟའུ་ལུང་པ་དང་གྲོང་ཁུལ་ལ་བསྐོར་བའི་གཞུང་ལམ་གཡས་གཡོན་གཉིས་ལ་འོས་འགན་ཤིང་འཛུགས་ཀྱི་བྱེད་སྒོ་སྤེལ་བ་རེད། ཐེངས་འདིའི་འོས་འགན་ཤིང་འཛུགས་ནང་གསོམ་ཤིང་དང་ལྕང་མ་སོགས་ཁྱོན་བསྡོམས་29000ལྷག་ཙམ་བཙུགས་ཡོད་པ་རེད།།