ཉེ་ཆར། མཚོ་སྔོན་མི་རིགས་དཔེ་སྐྲུན་ཁང་གིས་བློ་ཞིབ་མོས་ཇུས་འགོད་བྱས་པའི་རྒྱལ་ཁབ་དཔེ་དེབ་པར་སྐྲུན་ལས་གཞི་སྟེ། བོད་ཀྱི་སྒྲུང་རིང་དཔེ་ཚོགས་ཐོག་མ་པར་སྐྲུན་འགྲེམ་སྤེལ་བྱས།
ཐེངས་འདིའི་སྒྲུང་རིང་དཔེ་ཚོགས་ནང་དུ་མིང་དུ་གྲགས་པའི་རྩོམ་པ་པོ་ཚེ་རིང་དོན་གྲུབ་ཀྱི་《ང་ཡི་ཨ་ཕ་གཉིས།》དང་། བསྟན་པ་ཡར་རྒྱས་ཀྱི་《ཁ་སང་གི་འཚོ་བ།》ན་གཞོན་རྩོམ་མཁན་མིང་གྲགས་ཅན་སྒོ་མེ་ཚེ་རིང་བཀྲ་ཤིས་ཀྱི་《མར་ངོའི་ཟླ་བ།》དང་། བུ་ཚེ་རིང་རྒན་པའི་《ཆུ་མིག་དགུ་སྒྲིལ།》བོད་ཀྱི་རྩོམ་སྟེགས་སུ་གྲགས་འགུལ་ཆེ་བའི་གཞོན་སྐྱེས་རྩོམ་པ་པོ་གངས་སྨྱོན་གྱི་《དྲེལ་ལུང་།》བཅས་བོད་ཡིག་གི་ལམ་ནས་གསར་དུ་བརྩམས་པའི་སྒྲུང་རིང་ལྔ་ཀློག་མཁན་རྣམས་ཀྱི་གཟིགས་མོར་བཀྲམས་ཡོད། །
