གཙོ་ངོས།>> སྒྱུ་རྩལ།>>སྒྱུ་རྩལ་ཞིབ་འཇུག

རྩོམ་སྒྲིག་པ།ཡོང་ཁུངས། སྤེལ་དུས། ༢༠༡༥ལོའི་ཟླ་བ་༠༥ཚེས་༢༡ཉིན།

༄༅། །ཐུན་མོང་མིན་པའི་བོད་ཀྱི་ཡིག་གཟུགས་སྒྱུ་རྩལ།

 

         འཛམ་གླིང་འཛིན་མའི་ཁྱོན་ལ།ཉི་འོད་རྣམ་པར་གསལ་བའི་གྲོང་ཁྱེར་ཞེས་བསྔགས་བརྗོད་ཀྱི་དྲིལ་ཆེན་སྙན་པར་འཁྲོལ་བའི། ལྷ་ས་གྲོང་ཁྱེར་གྱི་བྱང་ཕྱོགས་ན། ལྗོན་ཤིང་སྟུག་པོས་རབ་ཏུ་རྒྱན་པའི་གྲོང་སྡེ་ཆེན་པོ།  མིང་ལ་ཉང་བྲན་ཞེས་ཡོངས་སུ་གྲགས་པ་ཞིང་སྣང་འདི་དབུས་ན། བོད་ཡིག་ཡིག་་་་་་་་གཟུགས་བཤམས་སྟོན་ཁང་ཞེས་པའི་བཟོ་བཀོད་ཆེན་པོ་ཞིག་ཡོད། དེར་་་་་གནའ་དེང་དུས་རབས་སོ་སོའི་བོད་ཀྱི་ཡིག་རིགས་མི་འདྲ་བ་དུ་མ་བཤམས་ནས།ཀུན་གྱི་ཡིད་དབང་འགུག་བཞིན་ཡོད།རང་ཉིད་རྒྱུན་དུ་བོད་ཀྱི་་་་ཐུན་མོང་མིན་པའི་ཡིག་གཟུགས་ལ་དགའ་པོ་ཡོད་རུང་།དངོས་སུ་ཤེས་པ་དང་རྒྱུས་མངའ་ཡོད་པ་ཞིག་མིན།དེར་བརྟེན་ཅུང་ཁོམ་པའི་དུས་ཤིག་ལ།གནས་དེར་དངོས་སུ་ཐེངས་གཅིག་བཅར་ནས་ཞིབ་པར་བལྟས་པས།དངོས་འབྲེལ་ཧ་ལས་དགོས་པ་ཞིག་འདུག།ཡིག་གཟུགས་ཡག་པའི་ཡག་རབས་་་་སྐོར་གནས་སྐབས་གླེང་མ་ནུས་ཀྱང་།བྱུང་བའི་ལོ་རྒྱུས་རིང་ལ་རིགས་དང་རྣམ་པ་མང་བའི་ཆ་ནས་ཀྱང་མི་རྣམས་ཧ་ལས་དགོས་ལ་མིག་འཕྲུལ་་་་་་་དགོས་པ་ཞིག་རེད།བལྟས་པ་ཙམ་གྱིས་གང་གི་སྙིང་པོ་དང་རིན་ཐང་གང་ཡིན་ལེགས་པར་རྟོགས་དཀའ་བས་ན།ངས་དེ་མུར་[གངས་ལྗོངས་ཡིག་་་་་གཟུགས་ཀུན་བཏུས]་ཞེས་པའི་དེབ་གཅིག་ཉོས་ནས་ཞིབ་པར་བལྟས་པས།དེ་བས་མྱོང་ཚོར་གཏིང་ཟབ་བྱུང་།བོད་ཀྱི་ཡིག་གཟུགས་ནི་གཞན་གྱིས་རྒྱུས་མངའ་མེད་པའི་གངས་ལྗོངས་ཡུལ་གྱི་ནོར་བུ་ཁྱད་པར་ཅན་ཞིག་རེད།                
           བོད་ཡིག་འབྲི་བྱེད་སྨྱུ་གུ་མང་ཆེ་བ་སྨྱུག་མ་ཡིན་པ་མ་ཟད།  དེ་ལ་ཡང་སྨྱུག་རིལ་དང་སྨྱུག་ལེབས་ཀྱི་ཁྱད་པར་ཡོད།ཡི་གེ་ཆེ་རིགས་རྣམས་སྨྱུག་རིལ་་་་དང་ཆུང་རིགས་རྣམས་སྨྱུག་ལེབས་ཀྱིས་འབྲི་བ་མང་།སྨྱུག་མ་མེད་ན་་་་་་་་མཁྲེགས་ཤིང་གཞན་པར་སྨྱུ་གུ་བཟོ་བ་ཡང་ཡོད།སྨྱུག་ཁ་ལ་རིགས་གསུམ་སྟེ།གསེག་གཡོན་ལ་བཏོན་པ་དང་།གསལ་ལ་བཏོན་པ།གསེག་མེད་པ་བཅས་སོ།  དེ་ལས་དང་པོས་དབུ་ཆེན།གཉིས་པས་དབུ་མེད།གསུམ་པས་འབྲུ་ཚ་འབྲི་སྲོལ་ཡོད། ལོ་རྒྱུས་རིང་བའི་རང་རྒྱལ་གྱི་ཡིག་གཟུགས་སྒྱུ་རྩལ་ནི་རང་རྒྱལ་གྱི་སྲོལ་རྒྱུན་རིག་གནས་ཀྱི་གྲུབ་ཆ་གལ་ཆེན་ཞིག་རེད།དེའི་ཆར་གཏོགས་པའི་བོད་ཡིག་གི་ཡིག་གཟུགས་སྒྱུ་རྩལ་དག་ནི་ལོ་ངོ་སྟོང་ཕྲག་དུ་མའི་ལོ་་་རྒྱུས་ལྡན་པའི་གངས་ལྗོངས་ས་མཐོའི་ཐུན་མིན་རིག་གནས་ཀྱི་གྲུབ་ཆ་གལ་ཆེན་ཞིག་རེད།                              བཤད་རྒྱུན་ལྟར་ན།ལོ་ངོ་4000གི་གོང་ནས་བོད་ཀྱི་མེས་པོ་རྣམས་ཀྱིས་་་་སྟག་གཟིག་སྤུངས་ཡིག་སྤྱོད་སྲོལ་ཡོད་ཟེར།འདས་ཟིན་པའི་ལོ་ངོ3000་་་་ཙམ་གྱི་དུས་སུ་གཡུང་དྲུང་བོན་གྱི་ཤིང་རྟའི་བྱེད་པོ་གཤེན་རབ་མི་བོ་ཆེས་སྟག་གཟིག་སྤུངས་ཡིག་ལ་དཔེ་བླངས་ནས་སྨར་ཡིག་ཞེས་པའི་ཡི་གེ་ཞིག་གལར་གཏོད་གནང་བ་དེ་རེ་ཞིག་ཞང་ཞུང་སྟེ་ད་ལྟའི་བོད་ལྗོངས་མངའ་རིས་ས་ཁུལ་དུ་དར།དེ་ལ་ཡང་སྨར་ཆུང་ཞིས་ཁྱད་པར་མི་འདྲ་བ་གཉིས་་་ཡོད།དེ་དུས་ཀྱི་གཡུང་དྲུང་བོན་གྱི་ཕྱག་དཔེ་མང་ཆེ་བ་སྨར་ཡིག་ཐོག་ནས་བྲིས་པ་ཤ་སྟག་ཡིན་པ་མ་ཟད།ད་ལྟའི་དུས་སུ་ཡང་བོན་གྱི་དགོན་པ་འགར་སྨར་ཡིག་གིས་བྲིས་པའི་ཕྱག་དཔེ་ཉུང་ཤས་ཡོད་སྐད་འདུག།དེ་དང་དུས་མཚུངས་སུ་ད་དུང་གཟི་ཡིག་དང་ལྷ་བབ་ཡི་གེ་ཞེས་པའི་ཡིག་གཟུགས་་་་རིགས་གཉིས་དར་བ་ནི་མཛས་རྩལ་ཡིག་གཟུགས་སུ་གཏོགས་པ་སྙམ་ཞིང་།སྐབས་དེ་ནས་བཟུང་བོད་ཀྱི་ཡིག་གཟུགས་སྒྱུ་རྩལ་གྱི་འགོ་ཐོག་མ་བརྩམས་པ་རེད།

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1