བརྩེ་ལྡན་ཨ་མའི་ཕྱག་ལ་ཁབ་སྐུད་བསྣམས།།
འཁྱམ་པོའི་ལུས་ཀྱི་ལྭ་བར་ལྷན་པ་བརླན།།
འགྲོ་ཁའི་ཁབ་སྐུད་ཚགས་ལ་དམ་པ་དེས།།
ཕྱིར་ལྡོག་དུས་འགྱངས་ཡིད་ལ་བཅངས་པ་མཚོན།།
བསྙེན་བཀུར་སྲི་ཞུ་ཁབ་རྩེ་ཕྲ་མོ་ཡིས།།
དཔྱིད་གསུམ་དཔལ་གྱི་དྲིན་ལན་ཇི་ལྟར་ལྡོག།
ས་སྲོད་དུས་སུ་རྡོ་གཅལ་སྟེང་ན་ངལ་གྱིས་དུབ།།
ཞོགས་པའི་དུས་སུ་གཙང་བོའི་རྦ་རླབས་ཁེམ་གྱིས་དཀྲུགས།།
མཚོ་ཁའི་སྨུག་སྤྲིན་ཉི་འོད་ཀློང་ནས་གང་དུ་ཡལ།།
གྲུ་ཁེམ་སྒྲ་ལས་རི་དང་གཙང་བོ་སྔར་བཞིན་སྔོ།།
གནམ་མཐའི་མཚམས་སུ་ཕྱིར་མིག་འཕེན་མཁན་ཉ་བ་དེ།།
བྲག་རྡོའི་ངོགས་ཀྱི་སྤྲིན་དཀར་ཚོམ་བུས་བདའ་ལ་བྲེལ།།
