མང་རྫོང་བོད་ལུགས་གཙགས་དྲུབ་རྒྱུན་འཛིན་པ་དང་དེ་བཞིན་རྒྱུན་འཛིན་སྡེ་བའི་འཐུས་མི་ཁག་ཅིག་བཅས་ཁྱོན་མི20ལྷག་བརྟག་ཞིབ་བཞུགས་མོལ་ཚོགས་འདུར་ཞུགས། ཚོགས་འདུའི་ཐོག་འགན་འཁུར་བས«མང་རྫོང་བོད་ལུགས་གཙགས་དྲུབ་ཀྱི་འགྲེམ་སྟོན་ཆེན་མོའི»རྩོམ་སྒྲིག་བྱ་བའི་ཐོག་མའི་བསམ་གཞི་དང་དོན་སྙིང་གལ་ཆེན་ངོ་སྤྲོད་བྱས་པ་དང་། «མང་རྫོང་བོད་ལུགས་གཙགས་དྲུབ་ཀྱི་འགྲེམ་སྟོན་ཆེན་མོ»ཞེས་པ་དེ་ནི་མང་རྫོང་བོད་ལུགས་གཙགས་དྲུབ་ལ་སྲུང་སྐྱོབ་དང་། རྒྱུན་འཛིན། དར་སྤེལ་བཅས་བྱས་ནས་གཙགས་དྲུབ་ཀྱི་ལོ་རྒྱུས་འབྱུང་ཁུངས་དང་། ལག་རྩལ་རྒྱུན་འཛིན། རིག་གནས་ནང་དོན། སྒྱུ་རྩལ་རིན་ཐང་བཅས་མངོན་པའི་གོ་སྐབས་བཟང་པོ་ཞིག་ཡིན་ལ། མང་རྫོང་བོད་ལུགས་གཙགས་དྲུབ་ཐོན་ལས་འཕེལ་རྒྱས་མགྱོགས་མྱུར་འགྲོ་རྒྱུར་སྔར་བས་སྐུལ་འདེད་བཏང་སྟེ་རོང་འབྲོག་པའི་འབབ་འཕར་ཕྱུག་འགྱུར་ཡོང་རྒྱུར་སྐུལ་ཁྲིད་བྱས་ནས་གྲོང་གསེབ་དར་རྒྱས་གཏོང་རོགས་བྱ་རྒྱུའི་བྱ་ཐབས་གལ་ཆེན་ཞིག་ཀྱང་རེད།