གཙོ་ངོས།>> གསར་འགྱུར།>>བོད་འབྲེལ་ས་ཁུལ།

རྩོམ་སྒྲིག་པ།ཡོང་ཁུངས། སྤེལ་དུས། ༢༠༡༥ལོའི་ཟླ་བ་༠༦ཚེས་༡༠ཉིན།

ཀན་སུའུ་དོར་ཞི་བྱམས་ལྡན་ཐེབས་རྩ་ཚོགས་པ་དེ་ནུབ་བྱང་མི་རིགས་སློབ་ཆེན་དུ་བཙུགས།

ནུབ་བྱང་མི་རིགས་སློབ་ཆེན་གྱི་འབུམ་རམས་པའི་ཁྲིད་སྟོན་དགེ་རྒན་ཆེན་མོ་དོར་ཞི་ལགས།

    ཉེ་ཆར། ནུབ་བྱང་མི་རིགས་སློབ་ཆེན་གྱི་འབུམ་རམས་པའི་ཁྲིད་སྟོན་དགེ་རྒན་དོར་ཞི་ལགས་ཀྱིས་སྣེ་ཁྲིད་པའི་སྒེར་འབུལ་ཐེབས་རྩ་ཚོགས་པ་སྟེ། ཀན་སུའུ་དོར་ཞི་བྱམས་ལྡན་ཐེབས་རྩ་ཚོགས་པ་ནུབ་བྱང་མི་རིགས་སློབ་ཆེན་དུ་བཙུགས།
    རྒྱུས་ལོན་པ་ལྟར་ན། བློ་འདོན་མཁན་ནི་ནུབ་བྱང་མི་རིགས་སློབ་ཆེན་གྱི་འབུམ་རམས་པའི་ཁྲིད་སྟོན་དགེ་རྒན་ཆེན་མོ་དོར་ཞི་ལགས་ཡིན་ཞིང་། ཐེངས་འདིར་བཙུགས་པའི་ཀན་སུའུ་དོར་ཞི་བྱམས་ལྡན་ཐེབས་རྩ་ཚོགས་པ་ནི་སྤྱི་འབུལ་ཐེབས་རྩ་ཚོགས་པ་མ་ཡིན་པར་ཐེབས་རྩའི་ཡོང་འབབ་ཀྱི་ཁུངས་ནི་སྤྱི་ཚོགས་ཀྱི་ཞལ་འདེབས་དང་། བཤེར་ཆོག་ཐོབ་པའི་ལས་རིགས་ཀྱི་ཁྱབ་ཁོངས་སུ་བྱེད་སྒོ་སྤེལ་བའམ་ཞབས་ཞུ་མཁོ་འདོན་བྱེད་པའི་ཡོང་འབབ། མ་དངུལ་གཏོང་བའི་ཡོང་འབབ་དང་ཁྲིམས་མཐུན་གྱི་ཡོང་འབབ་གཞན་དག་སོགས་ཡིན། ཐེབས་རྩ་ཚོགས་པའི་རྒྱུ་ནོར་གཙོ་བོ་དེ་སློབ་གསོའི་ཟབ་སྦྱོང་དང་། བསླབ་གཞི་སྒྱུར་སྒྲིག་པར་སྐྲུན། དྲ་རྒྱའི་ཆ་འཕྲིན་ཞབས་ཞུ། རིག་གནས་སྲུང་སྐྱོབ། སློབ་མར་རོགས་རམ། ཐེབས་རྩ་ཚོགས་པའི་ཉིན་རྒྱུན་བྱ་བ་སོགས་སུ་སྤྱོད་པ་ཡིན།

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1