འདི་ནི་ཟླ་བ་６པའི་ཚེས་５ཉིན་པར་དུ་བླངས་བའི་ལྷ་ས་གྲོང་ཁྱེར་གྱི་ལྷ་ཀླུ་འདམ་ར་རེད།

              ལྷ་ཀླུ་འདམ་རའི་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་ནི་མཚོ་ངོས་ལས་མཐོ་ཚད་སྨི་3600ལྷག་ཡོད་པ་དང་། སྤྱིའི་གཞི་ཁྱོན་ལ་སྤྱི་ལེ་གྲུ་བཞི་མ་12.2ལྷག་ཡོད་དེ། ལྷ་ས་གྲོང་ཁྱེར་གྱི་གཞི་ཁྱོན་གྱི་11.5％ཟིན། དེ་ནི་འཛམ་གླིང་སྟེང་ཤིན་ཏུ་དཀོན་ཞིང་། རྒྱལ་ནང་དུ་གཞི་ཁྱོན་ཆེས་ཆེ་བའི་གྲོང་ཁྱེར་གྱི་འདམ་རའི་རང་བྱུང་སྲུང་སྐྱོང་ཁུལ་ཡིན་ལ། འཛམ་གླིང་སྟེང་མཚོ་ངོས་ལས་ཆེས་མཐོ་བ་དང་། གཞི་ཁྱོན་ཆེས་ཆེ་བའི་གྲོང་ཁྱེར་གྱི་རང་བྱུང་འདམ་རའང་ཡིན། ཉེ་བའི་ལོ་འགའི་རིང་ལ། བོད་ལྗོངས་ཁོར་ཡུག་སྲུང་སྐྱོང་སྡེ་ཁག་གིས་ལྷ་ཀླུ་འདམ་རར་སྲུང་སྐྱོབ་བྱ་བའི་ནུས་ཤུགས་ཇེ་ཆེར་བཏང་ནས། འདམ་རའི་ནང་ཁུལ་གྱི་སྲོག་ཆགས་དང་སྐྱེ་དངོས་ཀྱི་གྲངས་ཀ་མངོན་གསལ་ངང་ཇེ་མང་དུ་འགྲོ་བཞིན་ཡོད་དེ། ཆུ་འགོ་དྭངས་ཤིང་གཙང་ལ། རྩྭ་རིགས་རྒྱས་པས། སྐྱེ་དངོས་ཀྱི་སྣ་མང་རང་བཞིན་སླར་གསོ་བྱུང་ནས་སྲུང་སྐྱོང་ནུས་ལྡན་ཐོབ་ཡོད། །