གཙོ་ངོས།>> གསར་འགྱུར།>>བོད་འབྲེལ་ས་ཁུལ།

རྩོམ་སྒྲིག་པ།ཡོང་ཁུངས། སྤེལ་དུས། ༢༠༡༥ལོའི་ཟླ་བ་༠༦ཚེས་༢༣ཉིན།

རྒྱུན་བཀོལ་མིང་མཛོད་གསར་བའི་ཚོགས་འདུ་ཐེངས་ཉེར་བདུན་པ་གནས་ཆེན་རི་བོ་རྩེ་ལྔར་འཚོགས།

 

ཚོགས་འདུའི་ཡུལ་དངོས།

            མཁན་ཆེན་ཚུལ་ཁྲིམས་བློ་གྲོས་མཆོག་གིས་གཙོ་བསྒྲིགས་གནང་བའི་རྒྱུན་བཀོལ་མིང་མཛོད་གསར་པ་ལས་བགྲང་བྱ་བཅུར་ཕེབས་ལ་ཉེ།  བགྲང་བྱ་བཅུའི་རིང་གི་ལོ་སར་དང་། དུས་ཆེན་སོགས་ཀྱི་དུས་ཚོད་དམ་འཛིན་བྱས་ནས་ད་ལྟའི་བར་ཚོགས་འདུ་ཐེངས་ཉེར་བདུན་ཚོགས། ཚོགས་ཐེངས་རེ་ལ་ཕལ་ཆེར་ཉིན་བཅོ་ལྔ་ཙམ་འཚོགས་བཞིན་འདུག བགྲང་བྱ་བཅུའི་རིང་དུ་མདོ་དབུས་ཁམས་གསུམ་ནས་ཕེབས་པའི་དགེ་རྒན་བཅུ་ཕྲག་ཁ་ཤས་ཀྱིས་མཁན་རིན་པོ་ཆེའི་མཐའ་སྐོར་དུ་མཐུན་སྒྲིལ་རྡོག་རྩ་གཅིག་ཏུ་བསྒྲིལ་ནས་བྱ་གཞག་འདིར་རིན་མེད་དུ་འབད་པ་གནང་ཞིང་། ཚང་མས་ཕྱར་བ་གྲུ་འདེགས་བྱས། ང་རང་ལ་ཡོན་ཏན་སྣ་གཅིག་མེད་ཀྱང་བྱ་གཞག་འདི་ལ་དགའ་ཞེན་ནི་ཟབ་མོ་ཞིག་ཡོད་པས་ལོ་ངོ་བཅུའི་རིང་དུ་རྒན་བཟང་པོ་འདི་ཚོ་དང་མཉམ་དུ་ལས་ཀ་བསྒྲུབ་རྒྱུའི་སྐལ་བ་བྱུང་བ་ནི་སྔོན་བསགས་ཀྱི་བསོད་ནམས་ཤིག་ལ་བསྒོམས་ཡོད། ལོ་ངོ་བཅུའི་རིང་དུ་བོད་ཀྱི་ས་ཁུལ་སོ་སོ་ལ་བོད་སྐད་གཙང་མ་བཤད་པའི་ཚ་རླབས་དྲག་པོ་ཞིག་འཕྱུར་བྱུང་ལ། ཁྱད་པར་དུ་དམངས་ཁྲོད་ནས་བོད་སྐད་ལ་དོ་སྣང་བྱེད་མཁན་ཆེ་རུ་འགྲོ་བཞིན་པས་ངོ་མ་སེམས་བསམ་པའི་གཏིང་ནས་དགའ་བ་ཞིག་རེད། རེད་དེ་ང་ཚོ་བོད་པ་ཚོའི་ཡོན་ཏན་གྱི་སྡེ་ནི་རང་ལ་ལས་མེད། གཞན་ལ་མགུ་མེད་ཅེས་པའི་དཔེ་ལྟར་ཡར་བཤད་མར་བཤད་དང་། ཕྱོགས་རིས་འཐེན་འཁྱེར་བྱས་ནས་བོད་སྐད་དག་མ་ཞིག་བཤད་རྒྱུ་ནི་དོན་ཆུང་ཞིག་རེད་སྙམ་བཞིན་འདུག་པའི་ཐེ་ཚོམ་རེ་ཡང་འདུག

 

           མཇུག་མཐར། ངས་གནས་མཆོག་རི་བོ་རྩེ་ལྔ་ནས་རང་གི་འཕྲིན་ཕྲན་གྲོགས་པོ་ཡོངས་ལ་ཕ་སྐད་ལ་དོ་སྣང་སྔར་ལས་ཆེ་ཙམ་དང་། ང་ཚོས་གཅིག་ཕན་གཅིག་གྲོགས་ཀྱིས་བོད་ཀྱི་རིག་གནས་མཐའ་དག་ཡར་ངོའི་ཟླ་བ་བཞིན་གོང་ནས་གོང་དུ་སྤེལ་ཐུབ་པའི་བཀྲ་ཤིས་སྨོན་འདུན་ཞུ། །

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1