ཉེ་ཆར། ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་གྱི་ཟློས་གར་ཁང་ཆེན་པོར་བོད་ཀྱི་ཟློས་གར་ཆེ་གྲས་<<ཐང་སྟོང་རྒྱལ་པོའི་རྣམ་ཐར།>>འཁྲབ་སྟོན་ཐེངས་དང་པོ་བྱས་ཤིང་། རྣམ་ཐར་དེ་འཁྲབ་སྦྱོང་བྱེད་པར་རྒྱལ་ཁབ་ཀྱིས་མ་དངུལ་སྒོར་ཁྲི་150ལྷག་བཏང་བ་རེད།

      <<ཐང་སྟོང་རྒྱལ་པོའི་རྣམ་ཐར།>>ནི་བོད་ཀྱི་ལོ་རྒྱུས་མི་སྣ་དངོས་དང་ལོ་རྒྱུས་ཀྱི་དོན་རྐྱེན་དངོས་དེ་དུས་རབས་ཀྱི་བརྗོད་བྱ་གཙོ་བོར་བྱས་ཏེ་བོད་ཀྱི་ལོ་རྒྱུས་ཐོག་གི་ལྕགས་ཟམ་སྐྲུན་པའི་མི་སྣ་གྲགས་ཅན་དང་། ལྷ་མོའི་སྲོལ་གཏོད་མཁན། བོད་ཀྱི་གསོ་རིག་མཁས་པ་གྲགས་ཅན་བཅས་ཡིན་པའི་ཐང་སྟོང་རྒྱལ་པོའི་མཛད་རྗེས་རླབས་པོ་ཆེ་འཁྲབ་སྟོན་བྱས་ཏེ། མདོ་དབུས་མཐོ་སྒང་དུ་མིའི་རིགས་ཀྱི་ཤེས་དཔལ་ཡར་ཐོན་དུ་འགྲོ་བའི་ལོ་རྒྱུས་དང་འཕེལ་རིམ་དང་། ལོ་ངོ་500ལྷག་སྔོན་གྱི་བོད་རྒྱ་མི་རིགས་གཉིས་བར་རིག་གནས་སྤེལ་རེས་བྱས་པའི་ལོ་རྒྱུས་མཚོན་ཏེ་བོད་རྒྱ་མི་རིགས་གཉིས་ཀྱི་མཐུན་སྒྲིལ་དང་སྤྱི་ཚོགས་ལོ་རྒྱུས་ཀྱི་སྲོལ་རྒྱུན་བཟང་པོ་ཤུགས་ཀྱིས་གསལ་པོར་བསྟན་པ་རེད། །