གཡུང་དྲུང་བོན་དང་འབྲེལ་བའི་དཔྱད་གླེང་ལོ་དེབ་མུ་ཁྲི་བཙན་པོའི་དཔྱད་རྩོམ་བདམས་བསྒྲིགས་འགྲེམ་སྤེལ་གནང་བའི་མཛད་སྒོ་སྤེལ།

རྩོམ་སྒྲིག་པ།ཡོང་ཁུངས། སྤེལ་དུས། 07-06


    2015ལོའི་སྤྱི་ཟླ་6པའི་ཚེས་29ཉིན། ཟུང་ཆུ་རྫོང་འཐབ་ཕྱོགས་གཅིག་གྱུར་པུའུ་དང་རྫོང་ནང་བསྟན་མཐུན་ཚོགས་རྫོང་མི་རིགས་ཆོས་དོན་ཅུས། གསེར་ཆུ་ཡུལ་ཚོ། བྱང་བྱ་དུར་དགའ་མལ་དགོན་ཆེན། རིན་སྤུངས་བཀྲ་ཤིས་སྨིན་གྲོལ་གླིང་གི་དམངས་གཙོ་དོ་དམ་ཨུ་ཡོན་ལྷན་ཁང་བཅས་ཐུགས་ཁུར་དང་རྒྱབ་སྐྱོར་འོག་རིན་སྤུངས་ཚུལ་བསྟན་དང་ཨ་དཔལ་བཟང་གཉིས་ཀྱིས་གཙོ་གཉེར་གྱི་དེབ་སི་ཁྲོན་མི་རིགས་དཔེ་སྐྲུན་ཁང་ནས་པར་སྐྲུན་བྱས་པའི་གཡུང་དྲུང་བོན་དང་འབྲེལ་བའི་དཔྱད་གླེང་ལོ་དེབ་《མུ་ཁྲི་བཙན་པོའི་དཔྱད་རྩོམ་བདམས་བསྒྲིགས།》འགྲེམ་སྤེལ་གྱི་མཛད་སྒོ་སྟེ། ཟུང་ཆུ་རྫོང་གཙོ་ཚང་དགོན་གྲོང་རྡལ་བྱང་བྱ་དུར་དགའ་མལ་དགོན་ཆེན་དུ་སྤེལ་བ་རེད།

མཛད་སྒོའི་ཐོག་ཟུང་ཆུ་རྫོང་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པ་མཁན་ཆེན་བླ་མ་ཚེ་རིང་དང་། རྫོང་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་གཞོན་པ་པ་སངས་བཀྲ་ཤིས་དང་། ཆོས་ལུགས་ཅུས་ཀྱི་ཅུས་ཀྲང་གཞོན་པ་བློ་ཐར། གསེར་ཆུ་ཡུལ་ཤོག་གི་འགོ་པ་གཞོན་པ་སྙན་རྒྱལ་རྗེ་སོགས་སྲིད་གཞུང་གི་མི་སྣ་དང་། བྱ་དུར་དགའ་མལ་དགོན་ཆེན་གྱི་མཁན་ཆེན་ཤེས་རབ་གཡུང་དྲུང་དབང་རྒྱལ་རིན་པོ་ཆེ་དང་དཔོན་སློབ་ཤེས་རབ་མཐར་ཕྱིན། རིན་སྤུངས་དགོན་པའི་དབུ་བླ་རྣལ་འབྱོར་ལྷུན་གྲུབ་བསྟན་འཛིན་སོགས་བླ་མ་དང་སྤྲུལ་སྐུ་སྐྱ་སེར་200ལྷག་མཛད་སྒོར་བཞུགས་ཡོད། ཚོགས་ཐོག་ཏུ་མཁན་ཆེན་བླ་མ་ཚེ་རིང་དང་པ་སངས་བཀྲ་ཤིས་སོགས་ནས་དཔྱད་རྩོམ་བདམས་བསྒྲིགས་ཀྱི་དེབ་དང་འབྲེལ་བའི་གསུང་བཤད་གལ་ཆེན་གནང་། །


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1