གཙོ་ངོས།>> གསར་འགྱུར།>>བོད་འབྲེལ་ས་ཁུལ།

རྩོམ་སྒྲིག་པ།ཡོང་ཁུངས། སྤེལ་དུས། ༢༠༡༥ལོའི་ཟླ་བ་༠༧ཚེས་༠༦ཉིན།

《བོད་ཡིག་ཚེག་ཁྱིམ་བང་མཛོད།》ཐོག་མ་པར་སྐྲུན་འགྲེམ་སྤེལ་བྱས།

《བོད་ཡིག་ཚེག་ཁྱིམ་བང་མཛོད།》

    ཉེ་སྔོན། ནུབ་བྱང་མི་རིགས་སློབ་ཆེན་གྱི་དགེ་རྒན་ཆེན་མོ་རྡོ་ལྷ་དང་བོད་ལྗོངས་སློབ་ཆེན་གྱི་དགེ་རྒན་ཆེན་མོ་གཞོན་པ་བཀྲ་ཤིས་རྒྱལ་གཉིས་མཉམ་འབྲེལ་སྒོས་སྒྲིག་རྩོམ་གནང་བའི་《བོད་ཡིག་ཚེག་ཁྱིམ་བང་མཛོད།》ཐོག་མ་དེ་ཀྲུང་གོའི་སྤྱི་ཚོགས་ཚན་རིག་པར་སྐྲུན་ཁང་གིས་པར་སྐྲུན་འགྲེམ་སྤེལ་བྱས།

    《བོད་ཡིག་ཚེག་ཁྱིམ་བང་མཛོད།》ཅེས་པ་འདི་ནི་ཡིག་མཛོད་ལས་བསྡོམས་རྩིས་བྱས་པའི་བོད་ཡིག་ཚེག་ཁྱིམ་ཡིན་ལ། སྐད་བརྡའི་རྒྱུ་མཛོད་ལ་ཐ་སྙད་མི་གཅིག་པ་ཁྲི་36ཡོད་ཅིང་། བོད་ཡིག་ཚེག་ཁྱིམ་དེས་སྐད་བརྡའི་ཐ་སྙད་མ་ལག་ཡོངས་སུ་ནུས་པ་གལ་ཆེན་ཐོན་པ་དང་གཙོ་ཕལ་གྱི་གོ་རིམ་གསལ་བོར་བཏོན་ལ། སྐད་བརྡའི་མ་ལག་ཧྲིལ་བོར་གཏན་འཇགས་རང་བཞིན་ངེས་ཅན་ལྡན། བང་མཛོད་འདིར་ད་སྔ་སྤྱོད་པའི་བོད་ཡིག་ཚེག་ཁྱིམ་8263དང་ལེགས་སྦྱར་གྱི་ཚེག་ཁྱིམ་གཞན་འགྱུར་848ཡོད་པར་མ་ཟད། ཚེག་ཁྱིམ་རེ་རེའི་འགུལ་ཐེངས་དང་འགུལ་ཚད། འགུལ་ཐེངས་རྩིས་ལེན་དང་འགུལ་ཚད་རྩིས་ལེན། དེ་མིན་བརྡ་འཕྲིན་གྱི་བརྟན་ཚད་སོགས་རྩིས་ལེན་བྱེད།

    བང་མཛོད་འདི་བོད་ཡིག་ཆ་འཕྲིན་ཚིག་མཛོད་ཀྱི་འཛུགས་སྐྲུན་དང་། བོད་ཡིག་རྨང་གཞིའི་ཐ་སྙད་ཞིབ་འཇུག་དང་ཐ་སྙད་རེའུ་མིག་འཛུགས་སྐྲུན། བོད་སྐད་ཡིག་བསླབ་གཞི་འཛུགས་སྐྲུན། བོད་སྐད་ཡིག་རིམ་དབྱེ་ཐ་སྙད་ཞིབ་འཇུག  བོད་ཡིག་རིག་ལྡན་ཡིག་གཟུགས་སྔོག་འདོན། བོད་ཡིག་ནོར་བཅོས་མཉེན་ཆས་སྔོག་འདོན། བོད་ཡིག་ཆ་འཕྲིན་འཚོལ་བཤེར་མ་ལག་སྔོག་འདོན་སོགས་ཁྱབ་ཁོངས་མང་པོར་སྤྱོད་པ་ཡིན། །

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1