༄༅།།རི་སྐྱེས་སྲོག་ཆགས་སྲུང་སྐྱོང་བཅའ་ཁྲིམས།

རྩོམ་སྒྲིག་པ།ཡོང་ཁུངས། སྤེལ་དུས། 06-19



ལེའུ་གསུམ་པ།
རི་སྐྱེས་སྲོག་ཆགས་དོ་དམ།  རི་སྐྱེས་སྲོག་ཆགས་སྲིད་འཛིན་དོ་དམ་ལས་ཁུངས་ཀྱིས་དུས་བཅད་ལྟར་རི་སྐྱེས་སྲོག་ཆགས་ཀྱི་ཐོན་ཁུངས་ལ་བརྟག་བྱས་ཏེ་རི་སྐྱེས་སྲོག་ཆགས་ཀྱི་ཐོན་ཁུངས་ཀྱི་ཡིག་ཚང་བཟོ་དགོས། རྒྱལ་ཁབ་ཀྱིས་གཙོ་གནད་དུ་བཟུང་སྟེ་སྲུང་སྐྱོང་བྱེད་པའི་རི་སྐྱེས་སྲོག་ཆགས་དག་རང་བསམ་དུ་རྔོན་པའམ་གསོད་མི་ཆོག ཚན་རིག་ཞིབ་འཇུག་དང་འདུལ་གསོ་རྒྱུད་སྤེལ། འགྲེམས་སྟོན་སོགས་ཀྱི་དགོས་པའམ་ཡང་ན་གནས་ཚུལ་དམིགས་བསལ་ཅན་བྱུང་སྟེ་རྒྱལ་ཁབ་ཀྱི་སྲུང་སྐྱོང་རིམ་པ་དང་པོའི་རི་སྐྱེས་སྲོག་ཆགས་རྔོན་པའམ་འཛིན་དགོས་བྱུང་ཚེ་ངེས་པར་དུ་རྒྱལ་སྲིད་སྤྱི་ཁྱབ་ཁང་གི་རི་སྐྱེས་སྲོག་ཆགས་སྲིད་འཛིན་དོ་དམ་ལས་ཁུངས་ལ་དམིགས་བསལ་རྔོན་ཆོག་ཡི་གེ་ཡར་ཞུ་བྱ་དགོས། རྒྱལ་ཁབ་ཀྱི་སྲུང་སྐྱོང་རིམ་པ་གཉིས་རི་སྐྱེས་སྲོག་ཆགས་རྔོན་པའམ་འཛིན་དགོས་བྱུང་ཚེ་ངེས་པར་དུ་ཞིང་ཆེན་དང་རང་སྐྱོང་ལྗོངས་སམ་ཡང་ན་ཐད་སྐྱོང་གྲོང་ཁྱེར་གྱི་རི་སྐྱེས་སྲོག་ཆགས་སྲིད་འཛིན་དོ་དམ་ལས་ཁུངས་ལ་དམིགས་བསལ་རྔོན་ཆོག་ཡི་གེ་ཡར་ཞུ་བྱ་དགོས། རྒྱལ་ཁབ་ཀྱིས་གཙོ་གནད་དུ་བཟུང་སྟེ་སྲུང་སྐྱོང་བྱེད་པ་མིན་པའི་རི་སྐྱེས་སྲོག་ཆགས་རྔོན་འཛིན་བྱེད་པར་རྔོན་ཆོག་ཡི་གེ་ལེན་དགོས་པ་མ་ཟད་རྔོན་ཆོག་ཚད་གྲངས་ལས་བརྒལ་མི་རུང་། མེ་མདའ་བཟུང་སྟེ་རྔོན་འཛིན་བྱེད་ཚེ་ངེས་པར་དུ་རྫོང་ངམ་གྲོང་ཁྱེར་སྤྱི་བདེ་ལས་ཁུངས་ཀྱིས་དཔྱད་སྤྲོད་བྱས་པའི་མེ་མདའ་བཟུང་ཆོག་པའི་ཡི་གེ་ཡང་ལེན་དགོས། དམག་སྤྱོད་མཚོན་ཆ་དང་དུག་སྨན། འགད་རྫས་སོགས་སྤྱད་དེ་རྔོན་འཛིན་བྱ་མི་རུང་། རྒྱལ་ཁབ་ཀྱིས་གཙོ་གནད་དུ་བཟུང་སྟེ་སྲུང་སྐྱོང་བྱེད་པའི་རི་སྐྱེས་སྲོག་ཆགས་ཉོ་འཚོང་བྱ་མི་རུང་། ཕྱི་རྒྱལ་པས་ཀྲུང་གོའི་རྒྱལ་ཁོངས་སུ་རྒྱལ་ཁབ་ཀྱིས་གཙོ་གནད་དུ་བཟུང་སྟེ་སྲུང་སྐྱོང་བྱེད་པའི་རི་སྐྱེས་སྲོག་ཆགས་ལ་བརྟག་ཞིབ་བམ་གློག་བརྙན་ཕབ་པའམ་གཟུགས་ལེན་པ་སོགས་བྱེད་དགོས་ཚེ་ངེས་པར་དུ་རྒྱལ་སྲིད་སྤྱི་ཁྱབ་ཁང་གི་རི་སྐྱེས་སྲོག་ཆགས་སྲིད་འཛིན་དོ་དམ་གཙོ་གཉེར་ལས་ཁུངས་སམ་དེའི་དབང་ཆ་ལག་བསྟར་བྱ་ཆོག་པའི་ལས་ཁུངས་ཀྱི་ཆོག་མཆན་འཐོབ་དགོས། སྲོག་ཆགས་རྔོན་འཛིན་བྱེད་སྐབས་ཞིང་ལས་ལོ་ཏོག་སོགས་ལ་གྱོང་གུད་ཐེབས་ཚེ་རྔོན་མཁན་གྱིས་སྐྱིན་ཚབ་སྤྲོད་དགོས།


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1