སྤྱི་ཟླ་7པའི་ཚེས་17ཉིན། སི་ཕེན་གྱི་མ་ཏེ་རིར། ཀྲུང་གོའི་བོད་ལྗོངས་རིག་གནས་སྤེལ་རེས་ལྷན་ཚོགས་ཀྱི་ཚོགས་མི་དང་སི་ཕེན་གྱི་ཀྲུང་གོའི་བཅའ་སྡོད་གཞུང་ཚབ་ཆེན་མོ་ལེའུ་ཧྥན་（གཡས་གསུམ）བཅས་ཀྱིས་སི་ཕེན་གྲོས་ཁང་གི་ཕྱི་དོན་ཨུ་ལྷན་གྱི་ཀྲུའུ་ཞི་མུའུ་ཉི་ཨའོ་སུ་ཨཱ་ལོང་སའོ་（གཡོན་གསུམ）དང་གྲོས་མི་5དང་མཇལ་ཕྲད་གནང་། 

སྤྱི་ཟླ7པའི་ཚེས་17ཉིན། སི་ཕེན་གྱི་མ་ཏེ་རིར། སི་ཕེན་གྲོས་ཁང་གི་ཕྱི་དོན་ཨུ་ལྷན་གྱི་ཀྲུའུ་ཞི་མུའུ་ཉི་ཨའོ་སུ་ཨཱ་ལོང་སའོ་（གཡོན）ཡིས་ཀྲུང་གོ་བོད་ཀྱི་རིག་གནས་སྤེལ་རེས་ལྷན་ཚོགས་ཀྱི་ཚོགས་མི་བདེ་སྐྱིད་གཡང་སྒྲོན་དང་ཕྱག་འཇུ་བྱེད་བཞིན་པ།  

ཀྲུང་གོའི་བོད་ཀྱི་རིག་གནས་སྤེལ་རེས་ལྷན་ཚོགས་ཀྱིས་ཚེས་17ཉིན་སི་ཕེན་གྱི་མ་ཏེ་རིའི་ཀྲུང་གི་རིག་གནས་ལྟེ་གནས་སུ་འཆད་ཁྲིད་སྤེལ་ཏེ། ས་དེ་གའི་རིག་གནས་ལས་རིགས་ཀྱི་མི་སྣ་དང་རིག་མཛོད་མཁས་དབང་། ཀྲུང་གོ་གནད་དོན་ཆེད་མཁས་པ་དང་ཕྱིར་སྡོད་རང་མི་སོགས་སུ་བོད་ལྗོངས་ཀྱི་འཕེལ་རྒྱས་གནས་ཚུལ་མཚམས་སྦྱོར་བྱས་པ་དང་། ཚོགས་མི་དང་མཉམ་དུ་འབྲེལ་འདྲེས་སྤེལ་རེས་བྱས།