སའི་གོ་ལ་དང་ཁེ་ཕུ་ལེར་452b

        མི་དམངས་དྲ་བར་གནས་ཚུལ་སྤེལ་གསལ། པེ་ཅིང་དུས་ཚོད་ཀྱི་སྤྱི་ཚེས་24ཉིན་གྱི་ནམ་གུང་དུ་ཨ་རིའི་འཇིག་རྟེན་འཕུར་སྐྱོད་ཁང་(NASA)གིས་གསར་འགྱུར་ཁྱབ་བསྒྲགས་ཚོགས་འདུ་འཚོགས་ཤིང་། ཨ་རིའི་ཁེ་ཕུ་ལེར་（Kepler Mission）ཞེས་པའི་གོ་ལའི་ལྟ་ཞིབ་ཚད་ལེན་རྒྱང་ཤེལ་གྱིས་ཉི་མའི་ཁྱིམ་རྒྱུད་ཕྱི་རོལ་ལས་སའི་གོ་ལ་དང་ཤིན་ཏུ་མཚུངས་པའི་གོ་ལ་གཞན་ཞིག་རྙེད་ཡོད་པའི་གནས་ཚུལ་སྐོར་བསྒྲགས་ཡོད་ཅིང་། གོ་ལ་དེའི་མིང་ལ་ཁེ་ཕུ་ལེར་452bཞེས་བཏགས་འདུག

       ཁེ་ཕུ་ལེར་452bཞེས་པའི་གོ་ལ་དེས་སའི་གོ་ལ་ལྟར་ཉི་མ་དང་ཤིན་ཏུ་མཚུངས་པའི་རྒྱུ་སྐར་ཞིག་སྐོར་ནས་བགྲོད་ཀྱིན་ཡོད་པ་མ་ཟད། དེ་གཉིས་ཀྱི་བར་ཐག་ཀྱང་སའི་གོ་ལ་དང་ཉི་མ་གཉིས་ཀྱི་བར་ཐག་དང་ཤིན་ཏུ་འདྲ་བ་དང་། དེ་ནི་ད་སྔ་ཤེས་ཟིན་པའི་གོ་ལ་ཡོངས་ལས་སའི་གོ་ལ་དང་ཆེས་འདྲ་བའི་གོ་ལ་དེ་ཡིན་ལ། གོ་ལ་དེར་སའི་གོ་ལ་དང་འདྲ་བའི་དབུགས་ཁམས་ཆེན་མོ་དང་རྒྱུག་ཆུ་སོགས་ཡོད་པའི་ངེས་པ་ཤིན་ཏུ་ཆེ།