2015ལོའི་ཟླ་9པའི་ཚེས་10ཉིན། འཛམ་གླིང་གི་ཆེས་དབང་གྲགས་ཀྱི་ཟིན་ཐོ་ཁས་ལེན་དཔང་འདོན་ལས་ཁུངས་ཅི་ཉི་སིའི་འཛམ་གླིང་ཟིན་ཐོ་ལས་ཁྱབ་བསྒྲགས་བྱས་པ་ལྟར་ན། 2016ལོ་ཅི་ཉི་སི་འཛམ་གླིང་ཟིན་ཐོ་ཀུན་བཏུས་དངོས་སུ་འཛམ་གླིང་ཡོངས་ལ་འགྲེམས་སྤེལ་བྱས་པ་དང་། དེ་རིང་ཟིན་ཐོ་ཀུན་བཏུས་ཁྲོད་ལ་གསར་ཏུ་ཁ་སྣོན་བྱས་པའི་ཟིན་ཐོ་མང་པོ་ཁྱབ་བསྒྲགས་བྱ་རྒྱུ་རེད། འཛམ་གླིང་ཐོག་གཟུགས་གཞི་ཆེས་མཐོ་བའི་བཟའ་ཟླ་ནི་ཀྲུང་གོ་བ་ཡིན་ལ། ཁྱོ་ག་སུན་མིང་མིང་ལོ་33དང་ཆུང་མ་ཞི་ཡཱན་ལོ་29རེད། སོ་སོའི་གཟུགས་ཀྱི་མཐོ་ཚད་ལ་ལི་སྨི་236.17དང་187.3ཡོད། ཁོ་གཉིས་ཀྱི་མཐོ་ཚད་བསྡོམས་པས་ལི་སྨི་423.47ཡོད་པ་རེད།