སྤྱི་ཟླ་1པའི་ཚེས་25ཉིན། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་གཙོ་སྐྱོང་མཛད་དེ་བཞུགས་མོལ་ཚོགས་འདུ་བསྡུས་ནས་དངམས་གཙོ་ཏང་ཁག་སོ་སོའི་ཀྲུང་དབྱང་དང་། རྒྱལ་ཡོངས་བཟོ་ཚོང་མཉམ་འབྲེལ་ལྷན་ཚོགས་ཀྱི་འགན་འཛིན་པ། ཏང་ཁག་གང་ལའང་མི་གཏོགས་པའི་འཐུས་མིས་《སྲིད་གཞུང་ལས་ཀའི་སྙན་ཞུ།<བསམ་འཆར་བསྡུ་ལེན་གྱི་མ་ཡིག>》དང་《ལོ་ལྔའི་འཆར་གཞི་བཅུ་གསུམ་པའི་ནང་དོན་གནད་བསྡུས།（འཆར་ཟིན།）<བསམ་འཆར་བསྡུ་ལེན་བྱེད་པའི་མ་ཡིག>》ཐད་བཏོན་པའི་བསམ་འཆར་དང་གྲོས་གཞི་ལ་གསན།

　　ལི་ཁེ་ཆང་གིས་ཀྲུང་གོ་གུང་ཁྲན་ཏང་གིས་འགོ་ཁྲིད་པའི་ཏང་མང་མཉམ་འབྲེལ་དང་ཆབ་སྲིད་གྲོས་མོལ་ལམ་ལུགས་ཀྱི་ཁྱད་ཆོས་འདོན་སྤེལ་ལེགས་པོ་བྱེད་པ་ནི་སྲིད་གཞུང་ལས་ཀ་བཟང་བོར་བསྒྲུབ་པའི་ཁག་ཐེག་གལ་ཆེན་ཞིག་ཡིན།དམངས་གཙོ་ཏང་ཁག་སོ་སོ་དང་རྒྱལ་ཡོངས་བཟོ་ཚོང་མཉམ་འབྲེལ་ལྷན་ཚོགས། ཏང་ཁང་གང་ལའང་མི་གཏོགས་པའི་མི་སྣའི་ཁེབས་རྒྱ་ཆེ་བ་དང་མི་སྣ་འཇོན་ཐང་ཅན་ཤིན་ཏུ་མང་། དེ་དག་ནི་རང་རྒྱལ་གྱི་ཆབ་སྲིད་འཚོ་བའི་སྟོབས་ཤུགས་གལ་ཆེན་ཡིན། ལྷན་རྒྱས་གདན་དྲངས་ཏེ་བཞུགས་མོལ་བྱེད་པ་ནི་སྲིད་གཞུང་ལས་ཀའི་སྙན་ཞུ་དང་ལོ་ལྔའི་འཆར་འགོད་ཀྱི་མ་ཡིག་འབྲི་བའི་གོ་རིམ་གལ་ཆེན་ཞིག་ཡིན། འདིས་ལྟ་བ་དང་ངོས་འཛིན་གཅིག་བསྡུ་བྱེད་པར་ཕན་ནུས་གལ་ཆེན་འདོན་སྲིད་པས་ཚང་མས་དགོངས་འཆར་ལྷུག་པོར་བརྗོད་རོགས་ཞེས་བསྟན།།
　　གཏམ་བཤད་ཀྱི་སྐབས་སུ་ཚང་མས་ན་ནིང་འཛམ་གླིང་གི་དཔལ་འབྱོར་ཉམས་རྒུད་དུ་ཕྱིན་ཞིང་རྒྱལ་ནང་གིས་རིམ་པ་གཏིང་ཟབ་པའི་འགལ་བའི་འགྲན་རྩོད་ལ་དམིགས་ཏེ་ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས་རྒྱལ་ཡོངས་ཀྱི་གོང་འོག་ཚང་མར་སྣེ་ཁྲིད་དེ་དཀའ་ངལ་ཁྱད་བསལ་དང་འབད་བརྩོན་ལྷོད་མེད་ཀྱིས་ལོ་ཧྲིལ་བོའི་དམིགས་འབེན་དང་ལས་འགན་ལེགས་འགྲུབ་བྱུང་བར་མ་ཟད་ལོ་ལྔའི་འཆར་གཞི་བཅུ་གཉིས་པ་བདེ་བླག་ངང་མཇུག་བསྡུས། ཚང་མས་ད་དུང་འཕེལ་རྒྱས་ཀྱི་འདུ་ཤེས་གསར་པ་ལག་ལེན་བྱེད་པ་དང་མཁོ་འདོན་ལོགས་ཀྱི་སྒྲིག་གཞི་རང་བཞིན་གྱི་བཅོས་སྒྱུར་ལ་སྐུལ་འདེད། འཕེལ་རྒྱས་ཀྱི་སྐུལ་ནུས་གསར་པ་གསོ་སྐྱོང་། ཕན་ཕྱོད་ལྡན་པའི་དངུལ་འཇོག་ལ་ཤུགས་སྣོན། དམངས་འཚོའི་ལེགས་བཅོས་དང་འགན་སྲུང་སོགས་ཀྱི་ཐད་ནས་ད་ལོའི་སྲིད་གཞུང་ལས་ཀ་དང་ལོ་ལྔའི་འཆར་གཞི་བཅུ་གསུམ་པའི་དུས་སྐབས་ཀྱི་འཕེལ་རྒྱས་ལ་བསམ་འཆར་བཏོན།།