མི་རིགས་ས་ཁོངས་རང་སྐྱོང་བཅའ་ཁྲིམས་ལས་ཁོལ་མར་ཕྱུང་བའི་མི་རིགས་སྐད་ཡིག་སྐོར།

རྩོམ་སྒྲིག་པ།ཡོང་ཁུངས། སྤེལ་དུས། 06-22


  ( 1984ལོའི་ཟླ5པའི་ཚེས31ཉིན་རྒྱལ་ཡོངས་མི་དམངས་འཐུས་མི་ཚོགས་ཆེན་སྐབས་དྲུག་པའི་གྲོས་ཚོགས་ཐེངས་གཉིས་པའི་སྟེང་དུ་གྲོས་འཆམ་བྱུང་)
  དོན་ཚན་བཅུ་པ། མི་རིགས་རང་སྐྱོང་ས་གནས་ཀྱི་རང་སྐྱོང་ལས་ཁུངས་ཀྱིས་ས་གནས་དེ་གའི་མི་རིགས་ཁག་ཚང་མར་རང་ཉིད་ཀྱི་སྐད་ཡིག་བེད་སྤྱོད་དང་འཕེལ་རྒྱས་སུ་གཏོང་བའི་རང་དབང་དང༌། རང་ཉིད་ཀྱི་ཡུལ་སྲོལ་གོམས་གཤིས་སྲུང་འཛིན་ནམ་ཡང་ན་སྒྱུར་བཅོས་བྱེད་པའི་རང་དབང་ཡོད་པར་འགྲན་སྲུང་བྱ་རྒྱུ།
  དོན་ཚན་ཉེར་གཅིག་པ། མི་རིགས་རང་སྐྱོང་ས་གནས་ཀྱི་རང་སྐྱོང་ལས་ཁུངས་ཀྱིས་འགན་དབང་ལག་བསྟར་བྱེད་སྐབས། མི་རིགས་རང་སྐྱོང་ས་གནས་དེ་གའི་རང་སྐྱོང་ཁྲིམས་སྲོལ་གྱི་གཏན་ཁེལ་ལྟར། ས་གནས་དེ་གར་ཐུན་མོང་དུ་སྤྱོད་པའི་སྐད་ཡིག་རིགས་གཅིག་གམ་དུ་མ་སྤྱོད་པ་དང༌། སྐད་ཡིག་རིགས་དུ་མ་མཉམ་དུ་སྤྱད་ནས་ལས་འགན་སྒྲུབ་པའི་ས་གནས་སུ་ས་ཁོངས་རང་སྐྱོང་ལག་བསྟར་བྱེད་པའི་མི་རིགས་ཀྱི་སྐད་ཡིག་དེ་གཙོ་བོ་བྱ་ཆོག
  དོན་ཚན་སོ་དྲུག་པ། མི་རིགས་རང་སྐྱོང་ས་གནས་ཀྱི་རང་སྐྱོང་ལས་ཁུངས་ཀྱིས་རྒྱལ་ཁབ་ཀྱི་སློབ་གསོའི་བྱེད་ཕྱོགས་གཞིར་བཟུང་ནས་བཅའ་ཁྲིམས་ཀྱི་གཏན་ཁེལ་ལྟར་ས་གནས་དེ་གའི་སློབ་གསོའི་འོས་འཆར་དང༌། རིམ་པ་དང་རིགས་མི་འདྲ་བའི་སློབ་གྲྭ་ཁག་འཛུགས་སྟངས། སློབ་ཡུན། སློབ་གྲྭ་སྒྲུབ་ཚུལ། སློབ་ཁྲིད་ཀྱི་ནང་དོན། སློབ་ཁྲིད་བྱེད་པའི་སྐད་རིགས། སློབ་མ་བསྡུ་ཐབས་བཅས་གཏན་ལ་འབེབས་རྒྱུ།
  དོན་ཚན་སོ་བདུན་པ། མི་རིགས་རང་སྐྱོང་ས་གནས་ཀྱི་རང་སྐྱོང་ལས་ཁུངས་ཀྱིས་རང་བདག་ངང་མི་རིགས་ཀྱི་སློབ་གསོ་སྤེལ་ནས་ཡིག་རྨོངས་སེལ་བ་དང་སློབ་གྲྭ་སྣ་ཚོགས་འཛུགས་པ། དམའ་རིམ་གྱི་འོས་འགན་སློབ་གསོ་ཁྱབ་གདལ་དུ་གཏོང་བ། འབྲིང་རིམ་སློབ་གསོ་ཡར་རྒྱས་སུ་གཏོང་བ། མི་རིགས་དགེ་ཐོན་སློབ་གྲྭ་དང་མི་རིགས་ཀྱི་ཆེད་ལས་འབྲིང་རིམ་སློབ་གྲྭའམ་མི་རིགས་ཀྱི་ལས་རིགས་སློབ་གྲྭ་དང་མི་རིགས་སློབ་གྲྭ་ཆེན་མོ་བཅས་འཛུགས་གཉེར་བྱས་ཏེ་གྲངས་ཉུང་མི་རིགས་ཁག་གི་ཆེད་ལས་ཡོན་ཏན་ཅན་གསོ་སྐྱོང་བྱ་དགོས།
  གྲངས་ཉུང་མི་རིགས་ཀྱི་སློབ་མ་བསྡུ་རྒྱུ་གཙོ་བོར་འཛིན་པའི་སློབ་གྲྭའི་ཆ་རྐྱེན་འཛོམས་སར་གྲངས་ཉུང་མི་རིགས་ཀྱི་ཡི་གེའི་སློབ་དེབ་ལ་བརྟེན་ནས་གྲངས་ཉུང་མི་རིགས་ཀྱི་སྐད་ཆའི་ཐོག་ནས་སློབ་ཁྲིད་བྱ་དགོས། སློབ་ཆུང་གི་ལོ་རིམ་མཐོན་པོའམ་སློབ་འབྲིང་གི་ནང་དུ་རྒྱ་ཡིག་སློབ་ཚན་འགོད་པ་དང་རྒྱལ་ཡོངས་ཀུན་མཐུན་གྱི་རྒྱ་སྐད་ཁྱབ་གདལ་དུ་གཏོང་རྒྱུ། དོན་ཚན་སོ་བརྒྱད་པ། མི་རིགས་རང་སྐྱོང་ས་གནས་ཀྱི་རང་སྐྱོང་ལས་ཁུངས་ཀྱིས་རང་བདག་ངང་མི་རིགས་ཀྱི་རྣམ་པ་དང་མི་རིགས་ཀྱི་ཁྱད་ཆོས་ལྡན་པའི་རྩོམ་རིག་དང༌། སྒྱུ་རྩལ། གསར་འགྱུར། དཔེ་སྐྲུན། རླུང་འཕྲིན། གློག་བརྙན། བརྙན་འཕྲིན་སོགས་མི་རིགས་ཀྱི་རིག་གནས་བྱ་གཞག་གོང་འཕེལ་དུ་གཏོང་རྒྱུ།
  མི་རིགས་རང་སྐྱོང་ས་གནས་ཀྱི་རང་སྐྱོང་ལས་ཁུངས་ཀྱིས་མི་རིགས་ཀྱི་གནའ་རབས་དཔེ་ཆ་འཚོལ་བསྡུ་དང༌། དག་སྒྲིག ཡིག་སྒྱུར། པར་སྐྲུན་བཅས་བྱ་རྒྱུ་དང༌། མི་རིགས་ཀྱི་གནའ་ཤུལ་གྲགས་ཅན་དང༌། རིག་གནས་གནའ་རྫས་རྩ་ཆེན། དེ་བཞིན་གལ་ཆེ་བའི་ལོ་རྒྱུས་དང་རིག་གནས་ཤུལ་རྫས་བཅས་སྲུང་སྐྱོང་བྱ་རྒྱུ།
  དོན་ཚན་ཞེ་བདུན་པ། མི་རིགས་རང་སྐྱོང་ས་གནས་ཀྱི་མི་དམངས་ཁྲིམས་ཁང་དང་མི་དམངས་ཞིབ་དཔྱོད་ཁང་གིས་ས་གནས་དེ་གའི་སྤྱི་སྤྱོད་ཀྱི་སྐད་རིགས་ཐོག་ནས་གྱོད་གཞི་ཞིབ་དཔྱོད་དང་འདྲི་བཤེར་བྱ་རྒྱུ་དང༌། མི་རིགས་ཁག་གི་སྤྱི་དམངས་རྣམས་ཀྱིས་མི་རིགས་རང་ཉིད་ཀྱི་སྐད་ཡིག་ལ་བརྟེན་ནས་ཞུ་གཏུག་བྱེད་པའི་དབང་ཆར་འགན་སྲུང་བྱ་དགོས། ས་གནས་དེ་གའི་སྤྱི་སྤྱོད་ཀྱི་སྐད་ཡིག་མི་ཤེས་ན་ཞུ་གཏུག་བྱེད་པ་ལ་སྐད་ཡིག་ལོ་ *7་བྱ་དགོས། ཁྲིམས་དོན་གྱི་ཡིག་ཆ་དེ་དགོས་མཁོ་ངོ་མར་གཞིགས་ནས་ས་གནས་དེ་གའི་སྤྱི་སྤྱོད་ཀྱི་ཡིག་རིགས་གཅིག་གམ་ཡང་ན་འགའ་སྤྱོད་རྒྱུ།
  དོན་ཚན་ཞེ་དགུ་པ། མི་རིགས་རང་སྐྱོང་ས་གནས་ཀྱི་རང་སྐྱོང་ལས་ཁུངས་ཀྱིས་མི་རིགས་ཁག་གི་ལས་བྱེ་རྣམས་ལ་ཕན་ཚུན་གྱི་སྐད་ཡིག་སློབ་སྦྱོང་བྱ་རྒྱུའི་སློབ་གསོ་དང་སྐུལ་མ་གཏོང་དགོས་ཤིང༌། རྒྱ་རིགས་ལས་བྱེད་པས་གནས་དེ་གའི་མི་རིགས་གྲངས་ཉུང་གི་སྐད་ཡིག་སློབ་དགོས་ལ། མི་རིགས་གྲངས་ཉུང་གི་ལས་བྱེད་པས་མི་རིགས་རང་ཉིད་ཀྱི་སྐད་ཡིག་སློབ་སྦྱོང་དང་བེད་སྤྱོད་བྱེད་པ་དང་ཆབས་ཅིག་རྒྱལ་ཡོངས་ཀུན་གྱིས་སྤྱོད་པའི་རྒྱ་སྐད་དང་རྒྱ་ཡིག་ལའང་སློབ་སྦྱོང་བྱ་དགོས། མི་རིགས་རང་སྐྱོང་ས་གནས་ཀྱི་རྒྱལ་ཁབ་ལས་བྱེད་པའི་ནང་དུ་ས་གནས་དེ་གའི་སྤྱི་སྤྱོད་ཀྱི་སྐད་ཡིག་གཉིས་ཀྱི་ཡན་ནང་བྱན་ཆུད་པའི་སྒོ་ནས་བེད་སྤྱོད་བྱེད་ཐུབ་མཁན་ལ་བྱ་དགའ་སྤྲོད་རྒྱུ།
  དོན་ཚན་ང་གསུམ་པ། མི་རིགས་རང་སྐྱོ་ས་གནས་ཀྱི་རང་སྐྱོང་ལས་ཁུངས་ཀྱིས་མེས་རྒྱལ་ལ་དགའ་ཞེན་དང་མི་དམངས་ལ་དགའ་ཞེན། ངལ་རྩོལ་ལ་དགའ་ཞེན། ཚན་རིག་ལ་དགའ་ཞེན། སྤྱི་ཚོགས་རིང་ལུགས་ལ་དགའ་ཞེན་བཅས་བྱེད་པའི་ཀུན་སྤྱོད་ལེགས་པོ་སྤེལ་བ་དང་ས་གནས་དེ་གའི་མི་རིགས་ཁག་གི་སྤྱི་དམངས་རྣམས་ལ་རྒྱལ་གཅེས་རིང་ལུགས་དང༌། གུང་ཁྲན་རིང་ལུགས། མི་རིགས་སྲིད་ཇུས་བཅས་ཀྱི་སློབ་གསོ་གཏོང་དགོས། མི་རིགས་ཁག་གི་ལས་བྱེད་པ་དང་མང་ཚོགས་ལ་ཕན་ཚུན་ཡིད་ཆེས་དང༌། ཕན་ཚུན་སློབ་སྦྱོང༌། ཕན་ཚུན་རོགས་རམ། ཕན་ཚུན་གྱི་སྐད་ཡིག་དང་ཡུལ་སྲོལ་གོམས་གཤིས། ཆོས་དད་བཅས་ལ་བརྩི་འཇོག་བྱས་ཏེ་མཉམ་དུ་རྒྱལ་ཁབ་ཀྱི་གཅིག་གྱུར་དང་མི་རིགས་ཁག་གི་མཐུན་སྒྲིལ་ལ་སྲུང་སྐྱོང་བྱ་རྒྱུའི་སློབ་གསོ་གཏོང་དགོས།


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1