ཉེ་ཆར།  ཞིང་ཆེན་ཏང་ཨུའི་གཞུང་དོན་ཐིང་གིས་ཞིང་ཆེན་ཡོངས་ཀྱི་ཏང་ཡོན་ཁྲོད་དུ་ཏང་གི་སྒྲིག་ཡིག་དང་ཏང་གི་སྒྲིག་སྲོལ་སློབ་སྦྱོང་བྱེད་པ་དང་། གསུང་བཤད་རབ་དང་རིམ་པ་སློབ་སྦྱོང་བྱས་ནས། ཏང་ཡོན་ཚད་ལྡན་ཞིག་བྱེད་པ་ཞེས་པའི་སྐོར་གྱི་སློབ་སྦྱོང་དང་སློབ་གསོའི་ལག་བསྟར་ཇུས་གཞི་བཏོན་པ་མ་ཟད་འབྲེལ་ཡོད་ཀྱི་བརྡ་ཐོ་སྤེལ་ཏེ། ས་གནས་ཁག་དང་། སྡེ་ཚན་ཁག་གི་ཏང་ཨུ་（ཏང་ཙུའུ）ཡིས་གཉིས་སློབ་གཅིག་སྒྲུབ་ཀྱི་སློབ་སྦྱོང་དང་སློབ་གསོའི་དོན་སྙིང་གལ་ཆེན་ལ་ངོས་འཛིན་གང་ལེགས་བྱེད་དགོས་པ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་དང་ཀྲུང་དབྱང་གི་བཀོད་སྒྲིག་ལ་གོ་བ་གཏིང་ཟབ་བླངས་ཤིང་། གཉིས་སློབ་གཅིག་སྒྲུབ་ཀྱི་སློབ་སྦྱོང་དང་སློབ་གསོ་སྤེལ་རྒྱུ་དེ་ཆབ་སྲིད་ཀྱི་ལས་འགན་གལ་ཆེན་ཞིག་ཏུ་བཏང་ནས། སྤྱི་ཡོངས་ཀྱི་བླང་བྱ་ཁོང་དུ་ཆུད་པ་དང་བརྗོད་གཞིའི་ནང་དོན་ཁ་གསལ་དུ་གཏོང་བ། བྱེད་ཐབས་གཙོ་བོ་དོན་འཁྱོལ་བྱེད་པ་དང་རྩ་འཛུགས་དང་འགོ་ཁྲིད་ལ་ཤུགས་སྣོན་བྱས་ནས་ནན་ཏན་སྒོས་འགན་ཁུར་དང་ལེན་དང་དོན་ཐོག་ཏུ་འཁྱོལ་བ། ཕན་འབྲས་དངོས་ཐོན་བཅས་བྱེད་དགོས་པའི་བླངས་བྱ་བཏོན།།