འདི་ནི་ཧོར་གླིང་གཡུལ་འགྱེད་ལས་ཅུང་ཟད་ཉུང་ཞིང་།རིང་ཚད་ལ་ཚིགས་བཅད་21528ཡོད་པའི་སྟོད་ཆ།སྨད་ཆ།བར་ཆ་སྟེ་དུམ་པ་གསུམ་ཡོད།གྲུ་གུ་རྒྱལ་པོས་རྒྱལ་ཁབ་ལ་སྟོབས་ཤུགས་ཆེན་པོ་ཡོད་པ་དང་།དམག་ཧྲག་མོ་དང་དམག་དཔོན་ངར་བ་ཡོད་པ་དེ་ལ་བརྟེན་ནས་ག་ས་ག་ལ་རྒྱ་བསྐྱེད་བྱས་ཏེ་དབུས་གཙང་མངའ་རིས་དང་བཅས་པར་བཙན་འཛུལ་བྱས།གེ་སར་གྱིས་གླིང་གི་མངའ་འོག་ན་ཡོད་པའི་ཧོར་དང་།འཇང་།མོན།ཞང་ཞུང་སོགས་ཀྱི་དམག་དཔུང་དང་གླིང་རུ་བ་རང་གི་དམག་རྣམས་བསྡུས་ནས་གྲུ་གུ་ལ་འཐབ་འཁྲུག་བརྒྱབ།ཐེངས་མང་པོར་འཐབ་འཁྲུག་ཆེན་པོ་བརྒྱབ་པས་གྲུ་གུའི་དཔུང་ཆེན་ཕམ་པ་བཏང་སྟེ།དབུས་གཙང་སོགས་བོད་ཀྱི་མངའ་ཁོངས་ཐམས་ཅད་སླར་ཡང་གླིང་གིས་བཟུང་།གེ་སར་རྒྱལ་པོས་གླིང་གི་དཔུང་ཆེན་བྱང་དུ་དྲུངས་ནས་གཡུལ་འཁྲུག་རླབས་པོ་ཆེ་བརྒྱབ་པར་བརྟེན།གྲུ་གུས་གླིང་ལ་མགོ་མི་འདོགས་ཀ་མེད་བྱུང་ནས་གྲུ་གུའི་གོ་མཛོད་ཀྱི་སྒོ་ཕྱེ་ས་ཤིང་།གྲུ་གུའི་ཡུལ་ལ་སངས་རྒྱས་ཀྱི་བསྟན་པ་དར་བར་བྱས་པ་ཡིན་ནོ།།