ཉེ་ཆར། ཞིང་ཆེན་དམངས་སྲིད་ཐིང་གིས་ཡིག་ཆ་འགྲེམ་སྤེལ་བྱས་ནས། ཁྱུང་མཆུ་རྫོང་ལ་སི་ཁྲོན་ཞིང་ཆེན་གྱི་གྲོང་མིའི་རང་སྐྱོང་དཔེ་སྟོན་རྫོང་ཅེས་པའི་གཟི་བརྗིད་མཚན་སྙན་གནང་། གནས་ཚུལ་ལ་རྒྱུས་ལོན་བྱས་པ་ལྟར་ན། དཔེ་སྟོན་རྫོང་འཛུགས་སྐྲུན་བྱས་པ་ནས་བཟུང་། ཁྱུང་མཆུ་རྫོང་གིས་རྫོང་འདི་དང་འཚམ་པའི་དམངས་གཙོའི་འདེམས་བསྐོ་བྱེད་ཐབས་དང་དམངས་གཙོའི་དོ་དམ། དམངས་གཙོའི་ལྟ་སྐུལ་སོགས་ཀྱི་ལམ་ལུགས་རབ་དང་རིམ་པ་བཙུགས་ཤིང་འཐུས་ཚང་དུ་བཏང་ནས། ཞིང་སྡེའི་གཞི་རིམ་རྩ་འཛུགས་མུ་མཐུད་དུ་འཐུས་ཚང་དང་ཇེ་ལེགས་སུ་བཏང་བ་དང་། གྲོང་མིའི་སྲིད་ཞུགས་སྲིད་གྲོས་ཀྱི་འདུ་ཤེས་ལ་མུ་མཐུད་དུ་ཤུགས་སྣོན་བྱས་པ་རེད།།
