གཙོ་ངོས།>> དམངས་སྲོལ།>>གུས་ལུགས།

མི་གསལ། རྩོམ་སྒྲིག་པ།དབང་ཆེན། ཡོང་ཁུངས།མཚོ་སྔོན་པོ་དྲ་བ། པར་གྱི་ཡོང་ཁུངས། ངེད་པར་མཛོད། སྤེལ་དུས། ༢༠༡༦ལོའི་ཟླ་བ་༠༧ཚེས་༡༨ཉིན།

༄༅།། བོད་མིའི་ལམ་རྟགས་བརྩི་སྲོལ།

        བོད་མིས་གཉེན་སྒྲིག་བྱེད་པ་དང་། འགྲུལ་པ་ཕྱོགས་ཐོན་སོགས་ཀྱི་སྐབས་སུ་ལམ་རྟགས་ལ་དོ་སྣང་ཆེན་པོ་བྱེད་སྲོལ་ཡོད། དཔེར་ན། མནའ་མར་མག་པ་བསུ་བ་དང་། འགྲུལ་པ་ཕྱོགས་སུ་ཐོན་སྐབས་ལམ་དུ་མེ་ཤིང་ཁུར་བོ་འཁུར་ཡོང་མཁན་དང་། ཆུ་སྣོད་ཁེངས་པ་འཁུར་ཡོང་མཁན། རྒྱན་གོས་ལེགས་པར་གྱོན་པའི་འགྲུལ་པ། ཕྱུ་པ་དཀར་རྐྱང་གྱོན་པའི་མི། ཁལ་རྒྱབ་ལོང་བཀལ་བའི་ཁལ་མ་སོགས་དང་འཕྲད་ན། རྟེན་འབྲེལ་བཟང་བ་དང་དེ་བཞིན་མང་ཚོགས་ཀྱི་ཁ་རྒྱུན་དུ། “སྤྱང་སོགས་གཡས་དང་། ཝ་སོགས་གཡོན། རི་བོང་ལྟག་རྩ་གཏད་ན་བཟང་།”ཞེས་བཤད་སྲོལ་ཡོད། གོང་གསལ་གྱི་ལམ་རྟགས་ནི་རྟེན་འབྲེལ་བཟང་ཞིང་། བྱ་བ་ལམ་འགྲོ་ཡོང་བའི་རྟགས་སུ་བརྩི་བ་དང་། ཆུ་སྣོད་སྟོང་བ་དང་། སླེ་བོ་སྟོང་བ་འཁུར་མཁན་དང་། ཁལ་མ་སྒ་སྟོང་། བུད་མེད་སྐྲ་ཟིང་། ནད་པ། ཕུང་པོ་སྐྱེལ་མཁན། པང་གདན་བཅིངས་མེད་པའི་བུད་མེད། གྲྭ་པ་སོགས་དང་འཕྲད་ན་རྟེན་འབྲེལ་མི་ལེགས་པར་བརྩི་སྟེ་བཟློག་ཐབས་ཀྱི་རིམ་འགྲོ་སོགས་བྱེད་སྲོལ་ཡོད།  །


39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1