ཞི་ཅིན་ཕིང་གིས་ཕུའུ་ཅིན་རྒྱལ་ཁབ་ཉི་ཤུའི་སྡེ་ཚོགས་ཀྱི་མགོ་ཁྲིད་པའི་ཧང་ཀྲུའོ་མཐོ་རིམ་གྲོས་ཚོགས་ལ་ཞུགས་པར་དགའ་བསུ་ཞུས། ཞི་ཅིན་ཕིང་གིས་ད་ལོའི་ཟླ་དྲུག་པའི་ནང་སྲིད་འཛིན་ཕུ་ཅིང་ཀྲུང་གོར་འཚམས་འདྲི་ཕེབས་སྐབས《ཀྲུང་གོ་དང་ཨུ་རུ་སུ་གཉིས་མཛའ་མཐུན་མཉམ་ལས་ཀྱི་ཆིངས་ཡིག》ལ་མིང་རྟགས་བཀོད་ནས་ལོ་15འཁོར་པར་རྟེན་འབྲེལ་ཞུས། དེ་ལས་རྒྱལ་ཁབ་གཉིས་ཀྱིས་ཁྱོན་ཡོངས་ནས་འཐབ་ཇུས་མཉམ་ལས་འབྲེལ་བ་ཇེ་ཟབ་བཏང་བ་མཚོན་ཞིང་། ཁྱོན་ཡོངས་ནས་ཕྱོགས་གཉིས་ཀྱིས་རྒྱལ་སྤྱི་དང་ས་ཁུལ་གྱི་གནད་དོན་གལ་ཆེན་ལ་ཐུན་མོང་ཀྱི་ལངས་ཕྱོགས་ཆགས་པ་བསྟན། ཀྲུང་གོ་དང་ཨུ་རུ་སུ་གཉིས་ཀྱིས་འཛམ་གླིང་ཡོངས་ཀྱི་བདེ་འཇགས་དང་། འཛམ་གླིང་གི་ཞི་བདེ་དང་བརྟན་རླིང་སྲུང་སྐྱོང་བྱས་པའི་རེ་བ་བཏོན་ཡོད་ཅེས་བསྟན།
ཞི་ཅིན་ཕིང་གིས་ཀྲུང་གོ་དང་ཨུ་རུ་སུ་གཉིས་ཀྱིས་ཁྱོན་ཡོངས་ཀྱི་འཐབ་ཇུས་མཉམ་ལས་ཇེ་ཟབ་གཏང་དགོས་ལ། བློ་ཐག་རྦད་ཆོད་ཀྱིས་ཕ་རོལ་པོས་རང་ཉིད་རྒྱལ་ཁབ་ཀྱི་བདག་དབང་། བདེ་འཇགས། འཕེལ་རྒྱས་ཁེ་ཕན་ཐད་ཀྱི་འབད་བརྩོན་ལ་རྒྱབ་སྐྱོར་བྱ་དགོས། རྒྱལ་ཁབ་གཉིས་ཀྱིས་འཕེལ་རྒྱས་འཐབ་ཇུས་སྦྲེལ་མཐུད་དང་། རྒྱུད་གཅིག་ལམ་གཅིག་གི་འཛུགས་སྐྲུན་དང་། ཡོ་རོབ་དང་ཨེ་ཤེ་ཡའི་དཔལ་འབྱོར་མཉམ་འབྲེལ་འཛུགས་སྐྲུན་གཉིས་ནུས་ལྡན་སྒོས་སྦྲེལ་མཐུད་བྱེད་པ་བཅས་ལ་སྐུལ་འདེད་གཏང་དགོས། རྨང་གཞི་སྒྲིག་བཀོད་འཛུགས་སྐྲུན་དང་ནུས་ཁོངས། མཁའ་འགྲུལ། ལག་རྩལ་གསར་པ་སོགས་ཀྱི་ཁྱབ་ཁོངས་ཀྱི་མཉམ་ལས་ལ་སྐུལ་འདེད་བཏང་སྟེ་དམག་དོན་བརྗེ་རེས་དང་བདེ་འཇགས་མཉམ་ལས་ལ་ཤུགས་སྣོན་བྱ་དགོས་ཞེས་བསྟན།
