བོད་ཡིག་ཆ་འཕྲིན་ལག་རྩལ་གྱི་ཐ་སྙད་ཕྱོགས་སྒྲིག་དངོས་སུ་འགྲེམ་སྤེལ་བྱས་པ།

ཚེ་བརྟན་སྒྲོལ་མས་བསྒྱུར། རྩོམ་སྒྲིག་པ།ཚེ་བརྟན་སྒྲོལ་མ། ཡོང་ཁུངས།ཀྲུང་དབྱང་འཐབ་ཕྱོགས་གཅིག་གྱུར་པུའུ། སྤེལ་དུས། 10-09



       ཉེ་ཆར། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཁབ་ཀྱི་ཚད་གཞིའི《ཆ་འཕྲིན་ལག་རྩལ་གྱི་བོད་ཡིག་ཐ་སྙད་ཕྱོགས་སྒྲིག》ཀྲུང་གོའི་ཚད་ལྡན་དཔེ་སྐྲུན་ཁང་གིས་དངོས་སུ་པར་འགྲེམ་བྱས་ཤིང་། འདི་ནི་རང་རྒྱལ་གྲངས་ཉུང་མི་རིགས་ཀྱི་ཡི་གེའི་ཆ་འཕྲིན་ལག་རྩལ་གྱི་ཐ་སྙད་ཕྱོགས་སྒྲིག་ཚད་གཞི་ཐོག་མ་ཡིན་པ་མ་ཟད། དུས་ཡུན་ལོ་10རིང་གིས་ཀྲུང་གོ་བོད་རིག་པ་ཞིབ་འཇུག་ལྟེ་གནས་ཀྱིས་རྣམ་གྲངས་རེ་ཞུ་བྱས་ནས་ཚད་ལྡན་རྩོམ་སྒྲིག་དང་ཆོག་མཆན་ཐོབ་པའི་ཆ་འཕྲིན་ལག་རྩལ་གྱི་བོད་ཡིག་ཐ་སྙད་ཕྱོགས་སྒྲིག་གི་རྒྱལ་ཁབ་ཚད་གཞི་དེ་ཕུན་སུམ་ཚོགས་པོའི་ངང་ལེགས་གྲུབ་བྱུང་བ་མཚོན་ཡོད།

       རྒྱུས་ལོན་བྱུང་བ་ལྟར་ན། ཆ་འཕྲིན་ལག་རྩལ་གྱི་བོད་ཡིག་ཐ་སྙད་ཚད་ལྡན་ཅན་དང་ཚད་གཞི་ཅན་དུ་འགྱུར་རྒྱུའི་གནད་དོན་ནི་རང་རྒྱལ་གྱི་བོད་ཡིག་ཆ་འཕྲིན་ཅན་དུ་འགྱུར་བའི་རྨང་གཞིའི་གནད་དོན་ཞིག་ཡིན། ཆ་འཕྲིན་ལག་རྩལ་གྱི་བོད་ཡིག་ཐ་སྙད་གཅིག་གྱུར་བཟོས་ཏེ་བོད་ཁུལ་གྱི་སློབ་གསོ་དང་ཆ་འཕྲིན་ཅན་འཛུགས་སྐྱོང་གི་ལས་དོན་ལ་སྐུལ་འདེད་གཏང་ཆེད། 2005ལོར་བོད་རིག་པ་ཞིབ་འཇུག་ལྟེ་གནས་ཀྱིས་དཔེ་དེབ་དཔྱད་གཞི་ཁང་གི་ཞིབ་འཇུག་པ་བཀྲ་ཤིས་ཚེ་རིང་གིས་གཙོ་སྐྱོང་བྱས་པའི“བོད་ཡིག་ཆ་འཕྲིན་ལག་རྩལ་གྱི་ཐ་སྙད་ཕྱོགས་སྒྲིག་གི་རྒྱལ་ཁབ་ཚད་གཞི་ཞིབ་འཇུག”ཅེས་པའི་གཙོ་གནད་ཞིབ་འཇུག་ཚོགས་ཆུང་བཙུགས་ནས《ཆ་འཕྲིན་ལག་རྩལ་གྱི་བོད་ཡིག་ཐ་སྙད་ཕྱོགས་སྒྲིག》གི་རྒྱལ་ཁབ་ཚད་གཞིའི་ཞིབ་འཇུག་ལས་དོན་སྤེལ།
       2015ལོའི་ཟླ་12ཚེས་31ཉིན། རྒྱལ་ཁབ་ཚད་གཞི་ཅན་དོ་དམ་ཨུ་ལྷན་དང་རྒྱལ་ཁབ་སྤུས་ཚད་ཞིབ་བཤེར་སྤྱི་ཁྱབ་ཅུས་ཀྱིས་མཉམ་འབྲེལ་ཐོག་དངོས་སུ་ཆོག་མཆན་བཀོད་པ་དང་འབྲེལ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཁབ་ཚད་གཞིའི《ཆ་འཕྲིན་ལག་རྩལ་གྱི་བོད་ཡིག་ཐ་སྙད་ཕྱོགས་སྒྲིག》ཁྱབ་བསྒྲགས་བྱས་པ་དང་། 2017ལོའི་ཟླ་1ཚེས་1ཉིན་ནས་བཟུང་དངོས་སུ་ལག་ལེན་བསྟར་རྒྱུ་རེད།
     《བོད་ཡིག་ཆ་འཕྲིན་ལག་རྩལ་གྱི་ཐ་སྙད་ཕྱོགས་སྒྲིག》ཚད་གཞིས་རྒྱལ་ཁབ་ཀྱི་ཚད་གཞིGB/T 5271《ཆ་འཕྲིན་ལག་རྩལ་གྱི་ཐ་སྙད་ཕྱོགས་སྒྲིག》ལ་གཞིགས་ཏེ་ཐ་སྙད་6000ལྷག་ཙམ་བསྡུས་པ་དེ་ནི་ཕྱོགས་ཡོངས་ནས་ཆ་འཕྲིན་ལག་རྩལ་གྱི་ཐ་སྙད་ཕྱོགས་སྒྲིག་དང་འབྲེལ་བའི་རང་རྒྱལ་གྱི་བོད་ཡིག་ཚད་གཞི་དང་པོ་ཡིན་པ་རེད།།


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1