སྤྱི་ཟླ་10པའི་ཚེས་25ཉིན། རྔ་བ་ཁུལ་གྱི་ངལ་ནུས་གསར་སྤེལ་དང་ཞོར་ལས་པའི་ལས་ཀའི་འགོ་ཁྲིད་ཚན་ཆུང་གིས་གཙོ་སྒྲུབ་བྱས་པའི་རྔ་བ་ཁུལ་གྱི་སྐབས་བཞི་པའི་ཞོར་ལས་པའི་ནུས་རྩལ་འགྲན་སྡུར་མའོ་རྫོང་འབྲིང་རིམ་ལས་རིགས་སློབ་གྲྭར་སྤེལ།
རྔ་བ་ཁུལ་གྱི་རྫོང་（གྲོང་ཁྱེར་དང་ཆུས།）14ནས་ཡོང་བའི་འགྲན་ཞུགས་པ་129ཐེངས་འདིའི་འགྲན་སྡུར་ལ་ཞུགས་པ་དང་། འགྲན་སྡུར་ལ་འགྲན་རིམ་13བཀོད་སྒྲིག་བྱས་ཡོད། ཐེངས་འདིའི་འགྲན་བསྡུར་ལ་སྲོལ་རྒྱུན་གྱི་ཁྱད་ཆོས་ལྡན་པའི་ནང་དོན་འདུས་པར་མ་ཟད་དེང་རབས་སྤྱི་ཚོགས་འཕེལ་རྒྱས་ཀྱི་འགྲོས་དང་མཐུན་པའི་གློག་རྡུལ་བཟོ་ཚོང་དང་ཞབས་ཞུ་ལས་རིགས་སོགས་ཀྱང་འདུས། དེ་མིན་ས་གནས་ཀྱི་ཁྱད་ཆོས་ལྡན་པའི་ཚེམ་དྲུབ་དང་ཐང་ག་འབྲི་བཞེངས་སོགས་ཀྱི་འགྲན་རིམ་ཡང་འདུས།
