ཚོན་མདངས་བཀྲ་བའི་སྒར་བ་ལུང་གི་སྟོན་དུས་ཡུལ་ལྗོངས་ནི་མིག་ལམ་དུ་དེ་བས་འཚེར་ཞིང་ཡིད་དབང་རབ་ཏུ་བཀུག་ནས་ཡོད།  སྒར་བ་ལུང་ནི་སྤོ་མེས་རྫོང་གི་ལྷོ་ངོས་སུ་གནས་ཤིང་སྤོ་མེས་རྫོང་དང་རྒྱང་ཐག་སྤྱི་ལེ་30སའི་ཁྲབ་རྨོག་གྲོང་རྡལ་དུ་ཡོད།  སྒར་བ་ལུང་ནི་ས་འབབ་མཐོ་ཚད་རྒྱ་མཚོའི་ངོས་ལས་སྨི་4322ཀྱི་རྡོ་རུད་ལའི་ས་མཚམས་སུ་ཆགས་ཡོད་པ་དང་།  ལྷོ་ངོས་ནི་མེ་ཏོག་རྫོང་དང་བྱང་ངོས་ནི་སྤོ་མེས་རྫོང་ཡིན།  རྡོ་རུད་ལ་ནས་བྱང་ངོས་སུ་ལྟ་སྐབས་མཚེའུ་གསུམ་མུ་ཏིག་ལྟར་གནས་ཅིང་།  དཀྱིལ་དུ་གནས་པའི་མཚེའུ་དེར་ད་དུང་གླིང་ཆུང་གཉིས་ཡོད་པས་དེ་ནི་སྐད་གྲགས་ཆེ་བའི་སྒར་བ་ལུང་གི་གནམ་མཚོ་ཞེས་སུ་གྲགས་པ་དེ་ཡིན།  །