༄༅།།ལྷག་པ་ཕུན་ཚོགས།

མི་གསལ། རྩོམ་སྒྲིག་པ།དབང་ཆེན།ཡོང་ཁུངས།ངེད་དྲ་བ། སྤེལ་དུས། 06-29


     ལྷག་པ་ཕུན་ཚོགས།  སྐྱེས་པ།  བོད་རིགས།  སྤྱི་ལོ་1942ལོའི་ཟླ་11ཚེས་11 ཉིན་བོད་རང་སྐྱོང་ལྗོངས་རྒྱལ་རྩེ་རྫོང་དུ་འཁྲུངས།  ཞིབ་འཇུག་སློབ་མའི་སློབ་གཉེར་བརྒྱུད་རིམ་ཡོད།  ད་ཆ་ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི་སྤྱི་ཁྱབ་ལས་འཛིན་དང་།  རིག་གཞུང་ཨུ་ཡོན་ལྷན་ཁང་གི་ཀྲུའུ་རེན།   ཞིབ་འཇུག་པ།  ཀྲུང་གོའི་སྤྱི་ཚོགས་ཚན་རིག་ཁང་ཞིབ་འཇུག་སློབ་མ་གླིང་གི་འབུམ་རམས་པའི་ཁྲིད་སྟོན་སློབ་དཔོན་བཅས་ཀྱི་ལས་འགན་བཞེས་པ་མ་ཟད།  རྒྱལ་ཡོངས་སྲིད་གྲོས་ཀྱི་ཨུ་ཡོན་ཡིན།
སློབ་གཉེར་དང་ལས་ཀ་གནང་ཚུལ།
  1961ལོ་ནས་1963ལོའི་བར་ཀྲུང་དབྱང་མི་རིགས་སློབ་གླིང་གི་བོད་ཡིག་ཞིབ་འཇུག་འཛིན་གྲྭའི་ནང་སློབ་གཉེར་གནང་།   
 1964ལོ་ནས་1970ལོའི་བར་བོད་ལྗོངས་མི་རིགས་སློབ་གླིང་དུ་དགེ་རྒན་རམ་འདེགས་པ་གནང་།  
 1971ལོ་ནས་1980ལོའི་བར་བོད་ལྗོངས་དགེ་འོས་སློབ་གླིང་གི་དགེ་རྒན་གྱི་ཕྱག་ལས་གནང་། 
 1980ལོ་ནས་1983ལོའི་བར་བོད་རང་སྐྱོང་ལྗོངས་རྩོམ་རིག་རྩལ་སྒྱུ་རྩལ་མཉམ་འབྲེལ་ལྷན་ཚོགས་སུ་ཕྱག་ལས་གནང་།
 1983ལོ་ནས་1991ལོའི་བར་བོད་ལྗོངས་སྤྱི་ཚོགས་ཚན་རིག་ཁང་གི་དབུ་འཛིན་གནང་།
 1991ལོ་ནས་2000ལོའི་བར་བོད་རང་སྐྱོང་ལྗོངས་མི་དམངས་སྲིད་གཞུང་གི་ཀྲུའུ་ཞི་གཞོན་པའི་ཐུགས་འགན་བཞེས།
 2000ལོའི་ཟླ་5པ་ནས་ད་ལྟའི་བར་ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི་སྤྱི་ཁྱབ་ལས་འཛིན་གྱི་ཐུགས་འགན་བཞེས།
ཞིབ་འཇུག་ཁ་ཕྱོགས། བོད་ཀྱི་ལོ་རྒྱུས་དང་།  ཆོས་ལུགས།  རིག་གནས།  བོད་རིག་པའི་གཞུང་ལུགས་བཅས་ཡིན། 
དཔྱད་རྩོམ་ཁག་ཅིག་གི་དཀར་ཆག 
1.བོད་མི་རིགས་ཀྱི་ངག་རྒྱུན་ཁྲོད་ཀྱི་མིའི་རིགས་ཀྱི་འབྱུང་ཁུངས་སྐོར་གྱི་གནད་དོན། 1981ལོའི་ཟླ་6ཚེས་31ཉིན་གྱི་བོད་ལྗོངས་མི་དམངས་ཉིན་རེའི་ཚགས་པར་དུ་འཁོད།
 2.རྒྱལ་རྩེ་རྫོང་གི་འཆམ་གྱི་མཛད་སྒོ་ཆེ་མོའི་དབྱེ་ཞིབ། 1981ལོའི་ཟླ་7ཚེས་31ཉིན་གྱི་བོད་ལྗོངས་ཉིན་རེའི་ཚགས་པར་དུ་འཁོད།
 3.ཚན་རིག་དང་མཐུན་པའི་སྒོ་ནས་མི་རིགས་ཀྱི་ཕུལ་བྱུང་རིག་གནས་ཀྱི་ཤུལ་དངོས་རྒྱུན་འཛིན་བྱ་རྒྱུ།       བོད་ཀྱི་རྩོམ་རིག་སྒྱུ་རྩལ་1985ལོའི་དུས་དེབ་གསུམ་པར་དུ་འཁོད།
 4.རང་ལྗོངས་ཀྱི་སྤྱི་ཚོགས་འཕེལ་རྒྱས་ཀྱི་ཆོས་ཉིད་དང་དུས་རབས་རང་བཞིན་གྱི་ཁྱད་ཆོས་སྐོར་གྱི་མནོ་བསམ། བོད་ལྗོངས་ཞིབ་འཇུག་1986ལོའི་དུས་དེབ་བཞི་པར་འཁོད།
  5.《བོད་རང་སྐྱོང་ལྗོངས་ཀྱི་གནས་ཚུལ་རགས་བསྡུས》དང་། 《བོད་ཀྱི་ལོ་རྒྱུས་རགས་རམ་གཡུ་ཡི་ཕྲེང་བ།》 (བོད་ཡིག་པར་མ།  )《དེང་རབས་ཀྲུང་གོ .བོད་ལྗོངས་དེབ་མ།》    《དེང་རབས་བོད་ལྗོངས་ཀྱི་ལོ་རྒྱུས་བསྡུས་པ།》 《དེང་རབས་ཀྲུང་གོའི་བོད་ལྗོངས་》སོགས་ཀྱི་གཙོ་སྒྲིག་པ་དང་སྒྲིག་རྩོམ་བྱེད་པར་རྩ་འཛུགས་གནང་།  





རྩོམ་ཡིག་སྔོན་མ།
རྩོམ་ཡིག་རྗེས་མ།

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1