གཙོ་ངོས།>> གསར་འགྱུར།>>རྒྱལ་སྤྱི་གསར་འགྱུར།

རྩོམ་སྒྲིག་པ།ཡོང་ཁུངས། སྤེལ་དུས། ༢༠༡༤ལོའི་ཟླ་བ་༠༦ཚེས་༣༠ཉིན།

མཉམ་འབྲེལ་རྒྱལ་ཚོགས་ཀྱི་དཔོན་རིགས་ཀྱིས་སི་རི་ཡཱའི་འཁྲུག་རྩོད་ཕྱོགས་ཁག་གཉིས་ཀྱིས་བཙོན་མར་མནར་གཅོད་བཏང་བར་རྒོལ་གཏམ་བཏང་།

        ཞིན་ཧྭ་གསར་འགྱུར་ཁང་གི་གློག་འཕྲིན་ལྟར།མཉམ་འབྲེལ་རྒྱལ་ཚོགས་ཀྱི་འགྲོ་མིའི་ཐོབ་ཐང་ལས་དོན་གྱི་མཐོ་རིམ་ཆེད་དོན་པ་ཕིས་ལའེ་ཡིས་ཚེས་14ཉིན་རི་ནེ་ཝ་ནས་སི་རི་ཡཱའི་དྲག་ཆས་འཁྲུག་རྩོད་བྱེད་པའི་ཕྱོགས་ཁག་གཉིས་ཀྱིས་བཀག་འཇུག་བྱས་པའི་མི་ལ་མནར་གཅོད་བཏང་བར་རྒོལ་གཏམ་དྲག་པོ་བཏང་།
       ཕིས་ལའེ་ཡིས་བཤད་རྒྱུར། མཉམ་འབྲེལ་རྒྱལ་ཚོགས་ཀྱི་འགྲོ་མིའི་ཐོབ་ཐང་གི་མཐོ་རིམ་ཆེད་དོན་པའི་གཞུང་སྒྲུབ་ཁང་གིས་གནོད་པ་ཐེབས་མཁན་དང་གནས་ཚུལ་དངོས་སུ་མཐོང་མཁན་རེ་འགའ་ལས་ཁུངས་སྣེ་བསྡུ་ལེན་བྱས་ཏེ་སྙན་ཞུར་བྲིས་པ་དང་། སྙན་ཞུ་ལས་བསྟན་དོན། སི་རི་ཡཱའི་སྲིད་གཞུང་དང་ངོ་རྒོལ་ཕྱོགས་ཁག་རེ་འགས་དུས་རྒྱུན་བཀག་འཇུག་བྱས་པའི་མི་སྣར་དུས་ཡུན་རིང་བོར་གཅར་རྡུང་དང་བརྙས་དམོད་བྱེད་བཞིན་ཡོད་ལ། ལོ་ལོན་དང་བྱིས་པ་ཡིན་ཡང་མནར་གཅོད་ལས་ཐར་ཐབས་མེད། ཐ་ན་བུད་མེད་རེ་འགར་བཙན་གཡེམ་བྱེད་པའི་སྣང་ཚུལ་ཡང་ཡོད། མནར་གཅོད་ཐེབས་པའི་མི་ལ་སྨན་བཅོས་བྱེད་མི་སྲིད་པས་མི་ལ་ལས་བཙོན་ཁང་དུ་ཚེ་སྲོག་ཤོར་བཞིན་ཡོད་ཟེར།
       ཕིས་ལའེ་ཡིས་ནན་གྱིས་བསྟན་དོན། འཐབ་འཁྲུག་ཁྲོད་མནར་གཅོད་གཏོང་བའི་བྱ་སྤྱོད་དེས་འཐབ་འཁྲུག་གི་ཉེས་པ་དང་མིའི་རིགས་ལ་རྒོལ་བའི་ནག་ཉེས་གྲུབ་ཡོད་ཟེར། ཁོ་མོས་སི་རི་ཡཱའི་སྲིད་གཞུང་དང་སྲིད་གཞུང་ལ་ངོ་རྒོལ་བྱེད་པའི་དྲག་ཆས་པས་མྱུར་དུ་བཙོན་མར་མནར་གཅོད་གཏོང་མཚམས་བཞག་སྟེ། མི་ཆོས་དང་མཐུན་པའི་སྒོ་ནས་བཙོན་མར་ལྟ་སྟངས་ཡང་དག་འཛིན་དགོས་པའི་སྐུལ་མ་བཏང་། ཁོ་མོས་ད་རུང་སི་རི་ཡཱའི་སྲིད་གཞུང་གིས་མཉམ་འབྲེལ་རྒྱལ་ཚོགས་ཀྱི་འགྲོ་མིའི་ཐོབ་ཐང་གི་མཐོ་རིམ་ཆེད་དོན་པ་དང་། སི་རི་ཡཱའི་གནད་དོན་གྱི་རྒྱལ་སྤྱིའི་རྟོག་ཞིབ་ཚོགས་པ། མཉམ་འབྲེལ་རྒྱལ་ཚོགས་ཀྱི་འགྲོ་མིའི་ཐོབ་ཐང་གི་ཆེད་མཁས་པ་བཅས་དུས་ངེས་མེད་དུ་སི་རི་ཡཱའི་མངའ་ཁོངས་སུ་ཡོང་ནས་རྟོག་ཞིབ་བྱ་བ་སྤེལ་ཏེ། ས་དེའི་འགྲོ་མིའི་ཐོང་ཐང་གནས་ཚུལ་ལ་ལྟ་རྟོག་བྱེད་དུ་འཇུག་དགོས་པའི་རེ་བ་བཏོན།  །

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1