སི་ཁྲོན་ཞིང་ཆེན་གྱིས་བཏོན་པའི་༼དེང་སྐབས་ཀྱི་དཔལ་འབྱོར་བརྟན་བརླིང་ངང་འཕར་སྣོན་གཏོང་བའི་བྱེད་ཐབས་བཅུ་དྲུག༽ཅེས་པའི་ཡི་གེ་དེ་ཞིང་ཆེན་སྲིང་གཞུང་གིས་འདོན་མཐུན་བྱས་པར་བརྒྱུད།ཟླ་བ་6པའི་ཚེས་3ཉིན་ཞིང་ཆེན་སྲིད་གཞུང་གཞུང་ལས་ཐིང་གིས་དངོས་སུ་པར་འགྲེམ་བྱས་ཡོད།བྱེད་ཐབས་བཅུ་དྲུག་འདི་དག་མ་དངུལ་གཏོང་འཇོག་ལ་སྐུལ་འདེད་གཏོང་བ་དང་། ཐོན་ལས་འཕེལ་རྒྱས་གཏོང་བ། འཛད་སྤྱོད་བྱེད་པར་སྐུལ་མ་གཏོང་བ། ཕྱིར་གཏོང་བར་སྐུལ་འདེད་གཏོང་བ། རྒྱུ་རྐྱེན་གཙོ་བོར་འགན་ལེན་བྱེད་པ། འཕེལ་རྒྱས་གཏོང་བའི་ཁོར་ཡུག་བཟང་སྒྲུག་བཅས་ཀྱི་ཐད་གཏོགས་ཡོད།
མ་དངུལ་གཏོང་འཇོག་ལ་སྐུལ་འདེད་གཏང་རྒྱུའི་སྐོར། སྔར་ལས་ལྷག་པར་མ་དངུལ་གཏོང་འཇོག་རྣམ་གྲངས་ཞིབ་བཤེར་ཆོག་མཆན་མ་སྤྲད་སྔོན་གྱི་ཞིབ་བཤེར་ནང་དོན་ཉུང་དུ་བཏང་སྟེ་ཞིབ་བཤེར་ཆོག་མཆན་གྱི་ཕན་ནུས་མཐོ་རུ་གཏང་རྒྱུ་ཡིན་པ།
ཐོན་ལས་འཕེལ་རྒྱས་གཏང་རྒྱུའི་སྐོར། ཞིང་ཆེན་སྲིད་གཞུང་གི་གཙོ་གནད་ཀྱི་བཟོ་ལས་དང་ལག་རྩལ་བསྒྱུར་བཀོད་བྱ་རྒྱུའི་རྣམ་གྲངས་151ལག་ལེན་བསྟར་བར་སྐུལ་འདེད་ཤུགས་ཆེན་གཏང་རྒྱུ་དང་། ལག་རྩལ་བསྒྱུར་བཀོད་བྱ་རྒྱུའི་དམིགས་ཡུལ་ལས་འགན་ལེགས་འགྲུབ་ཡག་ཙམ་བྱེད་པའི་གྲོང་ཁྱེར་དང་（རང་སྐྱོང་ཁུལ）ལ་ཞིང་ཆེན་རིམ་པའི་ལག་རྩལ་བསྒྱུར་བཀོད་མ་དངུལ་བཀོད་སྒྲིག་བྱེད་སྐབས་གཟིགས་སྐྱོང་གི་རྒྱབ་སྐྱོར་བྱ་རྒྱུ་ཡིན་པ་དང་། ཞིང་ཆེན་རིམ་པའི་དེང་རབས་ཀྱི་ཞབས་འདེགས་ལས་རིགས་བསྡུས་འདུས་ས་ཁུལ་སྐྲུན་པར་རྒྱབ་སྐྱོར་བྱ་རྒྱུ་ཡིན་པ།
འཛད་སྤྱོད་བྱེད་པར་སྐུལ་མ་གཏང་རྒྱུའི་སྐོར། རྒྱལ་ཁབ་ཕྱི་ནང་གི་སྐད་གྲགས་ཅན་གྱི་ཆེད་ལས་འགྲེམས་སྟོན་ཁང་དུ་ཞུགས་པ་དང་། ཕྱི་རྒྱལ་གྱི་བདག་གཉེར་ཉོ་འཚོང་དྲ་ཚུགས་འཛུགས་སྐྱོང་བྱེད་མཁན་གྱི་ཞིང་ཆེན་ནང་ཁོངས་ཀྱི་ཁེ་ལས་ལ་མ་དངུལ་ཐད་ཀྱི་རྒྱབ་སྐྱོར་བྱ་རྒྱུ་དང་། སོས་པའི་ཞིང་ལས་ཐོན་རྫས་འདུས་སྡེ་ཁུལ་དང་། རང་བདེམས་ཚོང་ཁང་། ཚོང་ར། ཚོགས་པ་བཅས་ལ་འཚོང་བར་སྐུལ་འདེད་གཏང་རྒྱུ་ཡིན་པ།
ཕྱིར་ཐོན་པར་སྐུལ་མ་གཏང་རྒྱུའི་སྐོར། ཁེ་ལས་བརྒྱ་ཙམ་རྒྱལ་ཕྱིར་ཐོན་པའི་བྱེད་སྒོ་སྤེལ་ནས་ཕྱི་རྒྱལ་གྱི་འགྲེམས་སྟོན་ལ་ཞུགས་པའི་ཁེ་ལས་ལ་རྒྱབ་སྐྱོར་བྱ་རྒྱུ་ཡིན་པ།
རྒྱུ་རྐྱེན་གཙོ་བོར་འགན་ལེན་བྱ་རྒྱུའི་སྐོར། གཙོ་ཆེའི་ཐོན་ལས་རྣམ་གྲངས་ཀྱིས་ས་སྤྱོད་པར་གཙོ་གནད་དུ་གཟིགས་སྐྱོང་བྱ་རྒྱུ་དང་། འགན་ལེན་རང་བཞིན་གྱི་བདེ་སྡོད་ལས་གྲྭ་སོགས་དམངས་འཚོའི་རྣམ་གྲངས་ཀྱིས་ས་སྤྱོད་པར་འགན་ལེན་བྱེད་གང་ཐུབ་བྱ་རྒྱུ་ཡིན་པ།མ་དངུལ་གཏོང་འཇོག་གི་ཁོར་ཡུག་བཟང་སྒྲུག་བྱ་རྒྱུའི་སྐོར། ཁེ་ལས་དང་འབྲེལ་བ་ཡོད་པའི་དངུལ་ལེན་པའི་ཞིབ་ཐོར་དོ་དམ་བྱ་རྒྱུ་ཡིན་པ།
