ཉེ་ལམ། མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་རེབ་གོང་རྫོང་དུ་ལོ་རེར་ཐེངས་རེའི་གོས་སྐུ་བཤམ་པའི་མཛད་སྒོ་སྤེལ། ཉིན་དེའི་ཞོགས་པར་སྔ་མོ་ནས་མི་རྣམས་ཀྱིས་གཟབ་འཆོར་སྤྲས་ཏེ་གོས་སྐུ་བཤམ་ཡུལ་དུ་འགྲོ་དྲུག་སེམས་ཅན་བདེ་ཞིང་དར་རྒྱས་ཕུན་སུམ་ཚོགས་པར་ཡོང་བའི་གསོལ་བ་སྨོན་ལམ་འདེབས་པར་ཕྱིན་པ་རེད། རེབ་གོང་རྫོང་ནི་མཚོ་སྔོན་ཞིང་ཆེན་ཤར་ལྷོ་རྒྱུད་དུ་གནས་ཤིང་། "རེབ་གོང་སྒྱུ་རྩལ"གྱི་འབྱུང་ཁུངས་ཡིན་པས། ཐང་ག་དང་། འཚེམ་དྲུབ། རྐོ་བཟོ་བཅས་ཀྱིས་གཙོ་བོར་བྱེད་པའི"རེབ་གོང་སྒྱུ་རྩལ"གྱི་བཀྲག་མདངས་འཚེར་ཞིང་མིག་དབང་འཕྲོག་བཞིན་ཡོད་པ་རེད།
