དཀར་མཛེས་ཁུལ་གྱིས་ཚོང་ཁང་གི་སྒོ་བྱང་སྟེང་གི་ཡི་གེར་ཞིབ་བཤེར་བྱས།

ཚེ་འཛིན་སྒྲོལ་དཀར་གྱིས་བསྒྱུར། རྩོམ་སྒྲིག་པ།ཚེ་དཔལ།ཡོང་ཁུངས།གངས་ལྗོངས་ཉི་གཞོན། སྤེལ་དུས། 02-10


        རྒྱལ་ཁབ་ཀྱི་རིགས་གསུམ་གྲོང་ཁྱེར་གྱི་སྐད་ཡིག་དཔྱད་འཇོག་དང་ཞིབ་བཤེར་ལས་དོན་ལེགས་པོ་བསྒྲུབས་ཆེད།  ཉེ་ཆར། དཀར་མཛེས་ཁུལ་སྐད་ཡིག་ལས་དོན་ཨུ་ཡོན་ལྷན་ཁང་གི་གཞུང་ལས་ཁང་གིས་སྣེ་ཁྲིད་ཅིང་། ཁུལ་དྲིལ་བསྒྲགས་པུའུ་དང་ཁུལ་སློབ་གསོ་ཅུས། ཁུལ་སྡོད་ཁང་འཛུགས་སྐྲུན་ཅུས། ཁུལ་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུས། ཁུལ་བཟོ་ཚོང་ཅུས། ཁུལ་འགྲིམ་འགྲུལ་ཅུས་སོགས་ལས་ཁུངས་16གིས་གྲུབ་པའི་ཞིབ་བཤེར་ཚན་ཆུང་ཀྱིས་དར་མདོ་དང་ལྕགས་ཟམ།  རོང་བྲག་སོགས་རྫོང་གསུམ་གྱི་ནང་དུ་རིགས་གསུམ་གྲོང་ཁྱེར་གྱི་སྐད་ཡིག་དཔྱད་འཇོག་བྱས།
        སྐད་ཡིག་དཔྱད་འཇོག་དང་ཞིབ་བཤེར་ལས་དོན་ནི་གྲོང་ཁྱེར་གྱི་དཔལ་ཡོན་མཐོ་རུ་གཏོང་པའི་དགོས་མཁོ་ཞིག་ཡིན་པར་མ་ཟད། གྲོང་ཁྱེར་ཞིག་གི་སྤྱིའི་རྣམ་པ་མངོན་སྟངས་ཞིག་ཡང་ཡིན།  སྐད་ཡིག་ལས་དོན་ལ་ཤུགས་སྣོན་བྱས་ནས་གྲོང་ཁྱེར་གྱི་མིའི་སྤྱི་ཡོངས་ཀྱི་བྱང་ཚད་མཐོ་རུ་གཏང་རྒྱུ་དང་གྲོང་ཁྱེར་གྱི་གཟུགས་བརྙན་བཟང་པོ་ཞིག་འཛུགས་རྒྱུ་ལ་ཕན། ཐེངས་འདིའི་ཞིབ་བཤེར་ལས་དོན་ཁྲོད་ལས་དོན་ཚན་ཆུང་གིས་གྲོང་ཁྱེར་ཁག་གི་སྲང་ལམ་དང་སྡོད་ཁུལ། ཡུལ་ཤོག་སོགས་ཀྱི་མིང་དང་ཚོང་ཁང་དང་ཡུལ་སྐོར་ཁུལ། ཁེ་ལས་དང་ལས་ཁུངས་སོགས་ཀྱི་སྒོ་བྱང་། ད་དུང་འགྲིམ་འགྲུལ་ལམ་བྱང་སོགས་ལ་ཞིབ་བཤེར་བྱས།  
ཐེངས་འདིའི་རིགས་གསུམ་གྲོང་ཁྱེར་གྱི་སྐད་ཡིག་ཞིབ་བཤེར་ལས་དོན་ཁྲོད་ལྕགས་ཟམ་རྫོང་ཞིབ་བཤེར་ཚད་གཞིར་ཐོན་པ་ལས་རོང་བྲག་དང་དར་མདོ་གཉིས་ཀྱིས་དུས་ཡུན་ལོ་གཅིག་གི་ནང་བསྐྱར་དུ་ལེགས་བཅོས་བྱས་རྗེས་ཞིབ་བཤེར་བྱ་དགོས་པ་རེད།།


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1