དཀར་མཛེས་ཁུལ་གྱིས་མ་དངུལ་འབོར་ཆེན་བཏང་ནས་ཞིང་ལས་ཐོན་ལས་འཕེལ་རྒྱས་བཏང་།

སྒྲོལ་མ་ཚེ་བརྟན། རྩོམ་སྒྲིག་པ།སྒྲོལ་མ་ཚེ་བརྟན།ཡོང་ཁུངས།ཁམས་པའི་དྲ་བ། སྤེལ་དུས། 07-14


      ཉེ་ཆར། དཀར་མཛེས་ཁུལ་རིམ་པའི་ནོར་སྲིད་ཀྱིས་མཐོ་སྒང་གི་དེང་རབས་ཀྱི་ཁྱད་ཆོས་ལྡན་པའི་ཞིང་ལས་འཕེལ་རྒྱས་གཏོང་བའི་མ་རྩ་སྒོར་ཁྲི་2200བཏང་ནས་ཞིང་ལས་ཐོན་ལས་འཕེལ་རྒྱས་གཏོང་བར་རོགས་རམ་བྱས།  དེར་ལྗང་མདོག་གི་སྔོ་ཚལ་དང་སྤུས་ལེགས་ཀྱི་ཡུང་ལེབ། ཆུ་སྔོ།   སེའུ་ཆེན་པོ།   ཐོན་ཁུངས་འཁྲུལ་མེད་ནས་ཐོན་པའི་སྨན་རྫས། སྐྱེ་ཁམས་ཇའི་གནས་གཞི་སྤྲོ་གསེང་ལྟ་སྐོར་ཞིང་ལས་འཛུགས་སྐྲུན་སོགས་རྣམ་གྲངས་26གཏོགས་ཤིང་།   དར་མདོ་དང་ལྕགས་ཟམ།   ཕྱག་ཕྲེང་།   འབའ་ཐང་སོགས་རྫོང་13དང་དུང་དཀར་ལུང་པའི་དོ་དམ་ཅུས་བཅས་ཚུད་ཡོད།   རྣམ་གྲངས་དེ་ལག་བསྟར་བྱས་པས་རང་ཁུལ་གྱི་ཁྱད་ཆོས་ལྡན་པའི་ཐོན་ལས་འཕེལ་རྒྱས་གཏོང་བར་རམ་འདེགས་བྱས་པ་དང་།    ཞིང་ལས་ཐོན་འཕར་དང་ཞིང་པའི་ཡོང་འབབ་འཕར་བར་སྐུལ་འདེད་བྱས།   མཐོ་སྒང་གི་དེང་རབས་ཀྱི་ཁྱད་ཆོས་ལྡན་པའི་ཞིང་ལས་ཐོན་ལས་འཕེལ་རྒྱས་གཏོང་ཆེད།   ད་ལོར་རང་ཁུལ་ཞིང་ལས་སྡེ་ཁག་གིས་ཁུལ་ཨུ་དང་ཁུལ་སྲིད་གཞུང་གིས་གཏན་འཁེལ་བྱས་པའི་2423ཞེས་པའི་ཐོན་ལས་འཕེལ་རྒྱས་ཀྱི་བསམ་བློ་ལྟར་སྤུས་ལེགས་ཀྱི་བཟའ་སྣུམ་དང་ལྗང་མདོག་གི་སྔོ་ཚལ། ཁྱད་ཆོས་ལྡན་པའི་ཤིང་ཏོག   སྐྱེ་ཁམས་ཀྱི་བཟའ་བྱའི་ཤ་མོ། ཐོན་ཁུངས་འཁྲུལ་མེད་ནས་ཐོན་པའི་སྨན་རྫས། སྤྲོ་གསེང་ལྟ་སྐོར་ཞིང་ལས་བཅས་ཐོན་ལས་ཆེན་པོ་དྲུག་མངོན་གསལ་དུ་བཏོན་ནས་འཕེལ་རྒྱས་གཏོང་རྒྱུ་རེད།


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1