གཙོ་ངོས།>> གསར་འགྱུར།>>རྒྱལ་སྤྱི་གསར་འགྱུར།

རྩོམ་སྒྲིག་པ།ཡོང་ཁུངས། སྤེལ་དུས། ༢༠༡༤ལོའི་ཟླ་བ་༠༧ཚེས་༡༥ཉིན།

མཉམ་འབྲེལ་རྒྱལ་ཚོགས་ཀྱིས་ལི་པུ་ཡཱ་ནས་ལས་བྱེད་མི་སྣ་ཕྱིར་འཐེན་བྱས།

མཉམ་འབྲེལ་རྒྱལ་ཚོགས་ཀྱི་ལི་པུ་ཡཱའི་རོགས་སྐྱོར་ཆེད་མངག་ཚོགས་པས་ཚེས་བཅུ་བཞིའི་ཉིན་གསལ་སྒྲོག་སྤེལ་ཏེ།བདེ་འཇགས་ལ་བསམ་བློ་བཏང་ནས་མཉམ་འབྲེལ་རྒྱལ་ཚོགས་ཀྱི་ལི་པུ་ཡཱའི་རོགས་སྐྱོར་ཆེད་མངག་ཚོགས་པས་གནས་སྐབས་སུ་ལི་པུ་ཡཱ་རུ་སྡོད་པའི་ལས་བྱེད་མི་སྣ་ཕྱིར་འཐེན་བྱས་ཡོད་ཟེར།

གསལ་སྒྲོག་ལས་བཤད་རྒྱུར།ལི་པུ་ཡཱའི་བདེ་འཇགས་གནས་བབ་མུ་མཐུད་དུ་ཇེ་སྡུག་ལ་སོང་བའི་དབང་གིས་མཉམ་འབྲེལ་རྒྱལ་ཚོགས་ཀྱི་ལི་པུ་ཡཱའི་རོགས་སྐྱོར་ཆེད་མངག་ཚོགས་པས་གཟའ་འཁོར་གཅིག་གི་སྔོན་ནས་ལི་པུ་ཡཱ་རུ་སྡོད་པའི་མི་སྣ་སྐོར་ཞིག་ཕྱིར་འཐེན་བྱས་ཡོད་ཟེར།ཚེས་བཅུ་གསུམ་ཉིན་ནས་བཟུང་ལི་པུ་ཡཱའི་དམངས་དམག་དྲག་ཆས་པས་རྒྱལ་ས་ཏི་ལེ་པའོ་ལི་རྒྱལ་སྤྱིའི་གནམ་གྲུ་ཐང་ནས་དྲག་ཆས་འཁྲུག་རྩོད་བྱས་ཏེ།གནམ་གྲུའི་ཐང་བཙན་གྱིས་སྒོ་བརྒྱབ་རྗེས།མཉམ་འབྲེལ་རྒྱལ་ཚོགས་ཀྱི་ལི་པུ་ཡཱའི་རོགས་སྐྱོར་ཆེད་མངག་ཚོགས་པས་བལྟས་ན།ལི་པུ་ཡཱ་ལ་གྲོས་གཞི་དང་ལག་རྩལ་གྱི་རྒྱབ་སྐྱོར་མཁོ་འདོན་བྱེད་པའི་ལས་འགན་ཡོངས་འགྲུབ་བྱེད་ཐབས་མེད་པ་དང་།ལས་བྱེད་མི་སྣའི་བདེ་འཇགས་དང་རང་དབང་གི་འགུལ་སྐྱོད་ལ་འགན་སྲུང་བྱེད་ཐབས་མེད་པར་བསམ་ཡོད། གསལ་སྒྲོག་ལས་ད་རུང་བཤད་རྒྱུར།མཉམ་འབྲེལ་རྒྱལ་ཚོགས་ཀྱི་ལི་པུ་ཡཱའི་རོགས་སྐྱོར་ཆེད་མངག་ཚོགས་པས་གནས་སྐབས་སུ་ལས་བྱེད་མི་སྣ་ཕྱིར་འཐེན་བྱས་པ་ཡིན་ལ།བདེ་འཇགས་ཆ་རྐྱེན་ཇེ་ལེགས་སུ་སོང་ན།གང་མགྱོགས་ཀྱིས་ཕྱིར་ལི་པུ་ཡཱ་རུ་ལོག་ངེས་ཡིན་ཟེར།  

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1