༄༅།།མཚོ་སྔོན་ཞིང་ཆེན་རྨ་འབྲི་རྫ་གསུམ་འབྱུང་ཡུལ་གྱི་སྐྱེ་ཁམས་ཁོར་ཡུག་སྲུང་སྐྱོང་ལྷན་ཚོགས།

རྩོམ་སྒྲིག་པ།ཡོང་ཁུངས། སྤེལ་དུས། 07-15


       དེ་སྔོན་ང་ཚོས་དྲིལ་བསྒྲགས་དང་བློ་འདྲིའི་ལས་ཀ་ཚང་མ་ཁ་ཡིས་བཤད་པ་ཙམ་ལས་ཡིག་ཐོག་ལ་འཁོད་མ་ཐུབ་པས་ཕལ་ཆེར་བསམ་བཞིན་གྱི་གྲུབ་འབྲས་མ་ཐོབ་ཅིང་། རང་གི་འཚོ་གནས་ཁོར་ཡུག་ལ་གཏོར་བཤིག་དང་མནོལ་བཙོག་ཕོག་པའི་ཡུལ་ཚོ་དང་མི་སྒེར་རྣམས་ཀྱིས་རང་རེའི་ཚོགས་པ་ལ་ལྟ་སྐུལ་དང་དབང་སྲུང་ཐད་ཀྱི་ཁྲིམས་ལུགས་ཡིག་ཆ་མཁོ་དགོས་ཀྱི་རེ་འདུན་ཡང་ཡང་བཏོན་པས། རང་ཚོགས་པས་རྒྱ་བོད་སྐད་གཉིས་ཀྱི་ཀློག་དེབ་འདི་བསྒྲིགས་པ་ཡིན། དེབ་ཆུང་འདི་བརྒྱུད་དེ་ཞུ་རྒྱུ་ལ། མང་ཚོགས་སམ་སྤྱི་དམངས་ཀྱི་ཁེ་དབང་ལ་གནོད་འཚེ་ཕོག་ཚེ། ཇི་ལྟར་ཁྲིམས་ལུགས་ཀྱི་ཐབས་ཤེས་བཀོལ་ཏེ་རང་དང་གཞན་གྱི་ཁྲིམས་མཐུན་ཁེ་དབང་སྲུང་སྐྱོང་བྱ་ཚུལ་བསྟན་ཡོད་དེ། དཔེར་ན། ཁྲིམས་ལུགས་གང་ལ་བརྟེན་པ་དང་། ལས་ཁུངས་གང་དག་འཚོལ་བ་དང་། ཐབས་ཚུལ་གང་འདྲ་བཀོལ་ནས་རང་དང་ཡུལ་ཚོའི་ཁེ་དབང་འགན་སྲུང་བྱ་བའོ། །དེབ་ཆུང་འདི་རིན་མེད་ཀྱིས་ཕུལ་བའི་སྤྱི་ཕན་གྱི་ཀློག་དེབ་ཅིག་ཡིན། ང་ཚོའི་འདུན་པ་ལ་དེབ་ཆུང་འདི་ཐོབ་པའི་ཀློག་པ་པོ་སུ་ཡིན་རུང་ཁྱོད་ཀྱི་ཉེ་འཁོར་གྱི་དགོས་མཁོ་ཡོད་པའི་ཡུལ་མི་དང་མཉམ་དུ་གཟིགས་པ་དང་། ཁྱོད་ཉིད་ཀྱང་ཁོར་ཡུག་ཁེ་དབང་སྲུང་སྐྱོང་གི་ཁྲིམས་ལུགས་དྲིལ་བསྒྲག་པ་ཞིག་ཏུ་འགྱུར་བའི་རེ་སྨོན་ཡོད། ང་ཚོ་ཚང་མས་ནང་བཅུད་ཀྱི་སེམས་ཅན་སྲོག་ཆགས་ཀྱི་བར་དང་ཕྱི་སྣོད་དང་ནང་བཅུད་སེམས་ཅན་ཀྱི་བར་ཐམས་ཅད་འཆམ་མཐུན་དང་དཔལ་ཡོན་གྱིས་ཕྱུག་པའི་ཁྲིམས་ལྡན་གྱི་འཇིག་རྟེན་གཙང་མ་ཞིག་བཅའ་བར་འབད་དགོས།


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1