གཙོ་ངོས།>> གསར་འགྱུར།>>བོད་ཁུལ་གཞན་དག

རྩོམ་སྒྲིག་པ།ཡོང་ཁུངས། སྤེལ་དུས། ༢༠༡༤ལོའི་ཟླ་བ་༠༧ཚེས་༡༦ཉིན།

སྐབས་དང་པོའི་མདོ་ཁམས་ཡུལ་གྱི་ཁ་ཤག་དང་གར་ཆུང་དགོང་ཚོགས་ཆེན་མོ་ལེགས་འགྲུབ་བྱུང་།

  

 མདོ་ཁམས་ཀྱི་ཁ་ཤག་དང་གར་ཆུང་དགོང་ཚོགས་ཆེན་མོ་བསྡུས་པ།

       ཉེ་ཆར།  སྐབས་དང་པོའི་མདོ་ཁམས་ཡུལ་གྱི་ཁ་ཤགས་དང་གར་ཆུང་དགོང་ཚོགས་ཆེན་མོ་དེ་མདོ་སྨད་ཁྱུང་མཆུ་རྫོང་ནས་ལེགས་འགྲུབ་བྱུང་།  ཐེངས་འདིའི་དགོང་ཚོགས་ནི་ཉེ་བའི་ལོ་འགའི་རིང་དུ་ཁ་ཤག་དང་གར་ཆུང་རྐྱང་པའི་འཁྲབ་སྟོན་དགོང་ཚོགས་ཤིག་ཡིན་ལ།   དགོང་ཚོགས་འདིའི་སྟེང་མདོ་ཁམས་ཡུལ་དུ་སྐད་གྲགས་ཡོད་པའི་ཁ་ཤག་དང་གར་ཆུང་སྒྱུ་རྩལ་པ་སྐོར་ཞིག་དང་། གསར་སྐྱེས་འཁྲབ་སྟོན་པ་མང་པོ་ཞུགས་ཡོད་པ་དང་། བརྩམས་ཆོས་ཀྱི་རྣམ་པ་དང་མཚོན་སྟངས། བརྗོད་བྱའི་ཐད་ནས་སྔར་མེད་ཕུན་སུམ་ཚོགས་པ་ཞིག་རེད།

     ལྷག་པར་དུ་གར་ཆུང་འཁྲབ་སྟོན་སྒྱུ་རྩལ་པ་གྲགས་ཅན་ཞི་བདེ་ཉི་མས་གསར་རྩོམ་བྱས་པའི་གར་ཆུང་།  《གངས་དཀར་པོར་ཉི་མ་འཆར་དུས།》ཅེས་པ་ནི།  བོད་སྐད་གར་ཆུང་་གསར་རྩོམ་དང་འཁྲབ་སྟོན་ཐད་སྔར་བྱུང་མ་མྱོང་བའི་མཚོན་སྟངས་དང་འཁྲབ་སྟོན་གྱི་རྣམ་པ་གསར་བ་ཞིག་ཡིན་ལ། གར་ཆུང་འདིས་བོད་སྐད་ཀྱི་གར་ཆུང་གསར་རྩོམ་ཐད་ཐོལ་བརྒལ་ཆེན་པོ་བྱས་ཡོད་པ་དང་། ཤུགས་དྲག་པའི་སྒྱུ་རྩལ་གྱི་ཉམས་སྣང་དང་། གཏིང་ཟབ་པའི་བརྩམས་ཆོས་ཀྱི་བསམ་བློས་འཁྲབ་ཡུལ་གྱི་ལྟ་མཁན་མང་པོར་སེམས་འགུལ་གྱི་མིག་ཆུ་རང་དབང་མེད་པར་ཤོར་ཏུ་བཅུག་པ་རེད།  

མདོ་ཁམས་ཀྱི་ཁ་ཤག་དང་གར་ཆུང་དགོང་ཚོགས་ཆེན་མོ་བསྡུས་པ།
        གཙོ་སྒྲུབ་ཚོགས་པས་བཤད་པ་ལྟར་ན།  འདི་ལྟ་བུའི་ཁ་ཤག་དང་གར་ཆུང་དགོང་ཚོགས་དེ་ལོ་རེ་ཐེངས་རེ་སྤེལ་ནས། བོད་སྐད་ཀྱི་ཁ་ཤག་དང་གར་ཆུང་སྒྱུ་རྩལ་འདི་མི་ཉམས་འཕེལ་རྒྱས་བཏང་ན། བོད་རིགས་ས་ཁུལ་གྱི་རིག་གནས་རོལ་རྩེད་ཀྱི་ལས་དོན་འཕེལ་རྒྱས་གཏོད་རྒྱའི་འདོད་བློ་དང་ཆོད་སེམས་བསྟན། 

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1